沾仔記麵食 (Closed)

行過紅磡黃埔依條想試下D粉麵野食，所以行過寶其利街，見間鋪無乜人，就入去食下啦，唔洗等位。發覺佢有個下午茶，一粉麵+一生菜+一飲品(coffee/milk tea) =  $35 ，都幾底，加上好少依類型粉麵鋪會有Coffee milk tea飲，都幾特別。叫左餐一分鐘就黎左了，應該好多野都Pre-made，蠔油生菜應該整左一段時間，油仲多過菜。而我叫左水餃河加色，店員忘了加色，要再提醒才幫手加番色。水餃河份量唔多唔少，不過水餃幾大隻。入面係竹生+急凍蝦，鮮味欠缺，真係好麻麻。最好飲反而係杯奶茶，幾大杯，幾有茶味，幾唔錯。總結，三十幾蚊有菜+主食+野飲係平，性價比OK，但唔好要求真係好好食。