Hungry Korean (Closed)

自從新開張後，呢度都成日排長龍，今日終於有機會試下店係自助形式，買完嘢先自行搵位入座，但冇足夠指示。揀完位又可能會被店員大執位。石鍋飯都算幾足料，一黎到即刻撈都無痴底不過味道就幾淡，就連配料嘅味道都好淡，唔望住食都唔係好知自己食緊咩，加左好多辣醬先夠味粉絲雖然細細碟，不過調味較得幾好，好易入口配料亦都唔少，呢餐最好味係佢。石鍋飯同粉絲都好快黎到，但係食完之後壽司先黎到上菜速度有啲不一。由於壽司比較幼身，賣相都比較唔整齊; 同石鍋飯一樣都幾足料但係味道偏淡，連條黃蘿蔔都唔夠爽脆，麻麻地食飯果陣見到有職員成日周身搲痕，衛生麻麻地