掌壽司 (Closed)

日本的吸引力真係大，對上一次去只不過是今年年頭。今日又發作了，好掛著日本，所以今日lunch time 揾了一間日本餐廳。其實附近選擇唔多，工廠區開的日本料理亦不抱太大期望。地方都頗寬倘，Lunch set 大約九款選擇，而大部份都主要係魚生，沒有太多熱食。所以我就選擇了一個壽司定食配熱湯烏冬，包括有六款魚生壽司和日式蒸蛋。烏冬比較粗身同埋有點硬，唔係平時我買開的到稻庭烏冬，湯內有一片日本魚蛋！沙律菜非常新鮮而味道亦酸酸地好開胃。日式蒸蛋是一般，但夠熱，面上有很多七味粉！壽司魚生有三文魚、油金魚、蟹柳、鰻魚及香蔥吞拿魚 碎。味道一般頗新鮮，但鰻魚好淡，完全冇味。每個套餐都送一罐雪碧，如果再加5元可以加多一杯熱飲。服務方面都不錯，上菜速度很快，整體來說，都算是中規中矩，可以接受。如果我在上班時間再突然日本思鄉病毒發，可能會再試多一次！