源記餐廳 (Closed)

同老婆喺大圍食早餐，佢話唔想成日食燉奶佬，所以就食源記。個早餐唔加七蚊得一碗粉麵，咁就梗係加啦！原來仲要加多兩蚊周末附加費。我叫沙爹牛麵佢俾通我！算啦，當公仔麵唔健康，所以冇叫佢換。d牛有d牛肉味，都OK。加咗蛋煙肉方包。蛋冇味，塊煙肉好普通，塊包都係普通水準啦，冇驚喜。老婆叫香濃茄醬鮮牛通，佢話個湯一d都唔濃，仲好淡！茄醬有一茶匙咁大把。d牛都係一般。反而佢加一蚊烘底變咗塊厚多士，好過我塊牛油方包好多。整體一般。