LA Restaurant & Dessert Bar (Closed)

佢首先會有幾塊麵包（無影相），配咗啲蕃茄，食落麻麻地。仲有一碗黑松露蘑菇湯，幾好飲。下面呢個係虎蝦龍蝦汁闊條麵，份量正常，但係食落個汁有啲啲好似燶咗嘅味道，但食落都算係唔錯嘅，蝦都唔會爛，但覺得唔太值個價。下面呢個係厚切豬扒配蘋果泥，同我想像嘅蘋果泥有啲唔同，塊豬扒都幾大幾厚，但係食落唔好鞋，都幾軟滑，可以一試。隔離配咗啲瓜，無乜特別。總結普通經過可以試吓，如果話係特登Book位嚟食就未必需要，有更好選擇。