皇牌冰廳 (砵蘭街)

Open Now

Now Closed

今日去果欄買生果，我覺得肚餓，响附近搵間餐廳食個午餐先，見到有間皇牌冰廳，好似未試過🤔，見裏面仲有好多位，就入去試下啦。地方算大，座位多但安排得比較密，好彩揀到個單邊座位，可以自己一個人坐抵食飯🤭。見個餐牌有勁多選擇，常餐、湯飯、午餐、扒類及麵類等，搞到我諗5分鐘，最後都係食返我最鍾意嘅星洲炒米🤣。先呢個餐湯羅宋湯，足料酸甜度適中，正常水準。等咗大約5分鐘，碟星米已經上台，唔單止上枱速度快，而且分量勁多。材料充足有蛋絲、洋蔥絲、叉燒、蝦仁、韭黃及火腿絲，第一口咬落去，感覺都夠鑊氣，但係咖哩及黃薑香味不足，而且味道偏鹹，米粉質感硬身(個人偏愛新竹米粉)，越食越覺得油膩，後尾食到接近一半有多時，見到碟底有勁多油😰，我都唔敢食落去啦。最後叫埋杯餐飲，熱咖啡味道都係一般。