稻香 (北海中心) (Closed)

環境3分：之前講過，而家重複：啲位迫，要搭枱，人多背對背，又幾嘈，不過中式酒樓算及格，畀佢三分。衛生3分：日頭冇手套或濕紙巾，啲醬出面拎，衛生畀佢三分。服務1分：同之前夜晚黎一樣，客人就多，但樓面唔夠伙記，想搵人落單加茶都要等完又等，態度比黎食一蚊雞時差，畀盡一分。味道3分：1)      餸名叫和味拍青瓜，但就食唔出和味係乜，青瓜都算脆，但冇咩味，只可以畀三分。2)      金錢肚好爽同好重胡椒味，下底Ｄ豆卜入哂味，有四分。3)      叉燒腸就麻麻地，唔夠熱，層皮又厚，Ｄ肉好嚡，兩分。4)      燒賣最正，夠大好味，又有成隻蝦响面，可以畀四分。5)      隻穗香雞呢，就同之前食隻一蚊雞冇得輝喇。隻雞唔夠油水，Ｄ肉又嚡又un，一至兩分間。6)      脆麻花好脆，但加左Ｄ彩糖同舊雪糕個賣相同組合就怪Ｄ，三分喇。抵食3分：叫左個午市優惠剔剔餐，四個人都有Ｄ唔係幾夠飽，連埋茶錢平均每人六十幾蚊，算正常價位。