Video
Read full review
2023-03-10
20 views
放假去咗尖沙咀行，本身諗住去韓國街搵食，點知去到附近見到呢間餐廳，比門口嘅廣告一蚊雞吸引，就入咗去試😆每位消費滿$150就可以優惠價錢$1換購一款豬骨煲、雞煲、花膠雞煲或者椰子雞煲，超級抵食😆我哋二話不說揀咗雞煲，辣度有得揀BB辣，啱晒我哋胃口😋川味雞煲雞煲有專人負責幫手煮，一打開香噴噴😍雞煲我哋揀咗BB辣，超級惹味超級香😋雞件大細適中，雞髀位置肉質好鮮嫩，雞胸位置亦都唔會乾嚡，我哋食到一件都冇剩。之後我哋食咗幾款串燒，燒得香，調味都好惹味，孜然粉嘅香味真係好正，辣度仲可以自由選擇添👍🏻金銀蒜粉絲燒蟶子$48/隻蟶子係中size，肉質鮮嫩，冇人沙，配上惹味嘅金銀蒜加粉絲，食到舔舔脷😋金銀蒜燒廣島蠔 $48/隻廣島蠔size都OK，肥美脹卜卜，味道鮮甜。配上嘅金銀蒜都係精華，撈埋啲蠔汁一齊食勁正👍🏻日式燒鮮白鱔串$78一串有兩件，白鱔肥美，燒得皮焦香，肉裏面嘅油香充分發揮出嚟，而且鮮味多汁😋風味燒羊肉$58一份有兩串，羊肉燒得好香，肉質鬆軟，唔會好羶，保持肉汁，配上孜然粉同埋少少辣粉，正😋風味燒美國牛仔骨 $68呢個味道其實都好好，不過肉嘅部份比較少，真係骨佔多🙈，適合鍾意啜骨嘅人。燒娃
每位消費滿$150就可以優惠價錢$1換購一款豬骨煲、雞煲、花膠雞煲或者椰子雞煲，超級抵食😆我哋二話不說揀咗雞煲，辣度有得揀BB辣，啱晒我哋胃口😋
川味雞煲
雞煲有專人負責幫手煮，一打開香噴噴😍雞煲我哋揀咗BB辣，超級惹味超級香😋雞件大細適中，雞髀位置肉質好鮮嫩，雞胸位置亦都唔會乾嚡，我哋食到一件都冇剩。
之後我哋食咗幾款串燒，燒得香，調味都好惹味，孜然粉嘅香味真係好正，辣度仲可以自由選擇添👍🏻
金銀蒜粉絲燒蟶子$48/隻
蟶子係中size，肉質鮮嫩，冇人沙，配上惹味嘅金銀蒜加粉絲，食到舔舔脷😋
金銀蒜燒廣島蠔 $48/隻
廣島蠔size都OK，肥美脹卜卜，味道鮮甜。配上嘅金銀蒜都係精華，撈埋啲蠔汁一齊食勁正👍🏻
日式燒鮮白鱔串$78
一串有兩件，白鱔肥美，燒得皮焦香，肉裏面嘅油香充分發揮出嚟，而且鮮味多汁😋
風味燒羊肉$58
一份有兩串，羊肉燒得好香，肉質鬆軟，唔會好羶，保持肉汁，配上孜然粉同埋少少辣粉，正😋
風味燒美國牛仔骨 $68
呢個味道其實都好好，不過肉嘅部份比較少，真係骨佔多🙈，適合鍾意啜骨嘅人。
燒娃娃菜$38
娃娃菜好甜，燒得剛好，唔會完全乾晒水👍🏻
燒蘆筍$29
蘆筍鮮嫩爽脆冇渣，配上醬料好惹味😋
最後仲有甜品迷你雪米糍送添👍🏻
Post
