Video
Read full review
2024-02-29
84 views
今日同朋友喺上環諗住買麻糬包，點知收咗舖，跟住行過呢間越南舖，咁啱打開門就聞到勁香嘅湯河味道，就行咗入去食。坐低，諗咗好耐食啲咩，朋友話想食法包，但係我又想食湯河，兩個人又食唔到咁多。最後，因為我見到個法包係鵝肝醬，好特別，於是就屈服咗食法包，叫多個小食拼盤同埋牛油果沙冰，同埋鹹桔飲品。 呢度要特別講吓，其實我哋兩個人都想要牛油果沙冰，但係法包套餐冇得加錢要牛油果沙冰，如果有得加就好啦。哇個包一上到嚟，面頭啲豬頸肉多到攝到個包爆曬，個包勁大，最貼心係有手套，唔驚食到成隻手都係油。 嘩真係我食過最好食嘅包，我平時都唔食包，呢個包我同朋友一人一半，我真係食晒。 佢裏面有啲青瓜有啲酸菜，中和返個醬汁同埋個豬頸肉嗰種油膩感，另外個包烘到好脆口，多重口感，好食。個小食拼盤就正常發揮啦，我個人最鍾意食雞翼，同埋米紙卷。 因為食完成個包已經有啲飽， 食返個清爽嘅米紙卷即刻舒服晒。 仲有佢個雞翼都好好食。 個牛油果沙冰我哋要咗走甜，嗰個牛油果味好重好濃，個沙冰打到好滑，唔會有碎冰。 真係幾好食，下次嚟會想再食埋個湯河。隔籬枱喺度食湯河其實我都好想食
坐低，諗咗好耐食啲咩，朋友話想食法包，但係我又想食湯河，兩個人又食唔到咁多。最後，因為我見到個法包係鵝肝醬，好特別，於是就屈服咗食法包，叫多個小食拼盤同埋牛油果沙冰，同埋鹹桔飲品。 呢度要特別講吓，其實我哋兩個人都想要牛油果沙冰，但係法包套餐冇得加錢要牛油果沙冰，如果有得加就好啦。
哇個包一上到嚟，面頭啲豬頸肉多到攝到個包爆曬，個包勁大，最貼心係有手套，唔驚食到成隻手都係油。 嘩真係我食過最好食嘅包，我平時都唔食包，呢個包我同朋友一人一半，我真係食晒。 佢裏面有啲青瓜有啲酸菜，中和返個醬汁同埋個豬頸肉嗰種油膩感，另外個包烘到好脆口，多重口感，好食。
個小食拼盤就正常發揮啦，我個人最鍾意食雞翼，同埋米紙卷。 因為食完成個包已經有啲飽， 食返個清爽嘅米紙卷即刻舒服晒。 仲有佢個雞翼都好好食。
個牛油果沙冰我哋要咗走甜，嗰個牛油果味好重好濃，個沙冰打到好滑，唔會有碎冰。
真係幾好食，下次嚟會想再食埋個湯河。
隔籬枱喺度食湯河其實我都好想食
Post
