Video
Read full review
2019-12-23
433 views
今晚肥妹仔同朋友去咗一間喺國際金融中心 食中菜嘅地方，肥妹仔已經聽過朋友介紹話呢一間嘅中菜價錢唔貴，但係食物質素好高，最緊要係佢係可以望住香港維港嘅夜景，景色一流，肥妹仔可謂今次係慕名而來嘅。椒鹽九肚魚 $98肥妹仔真係第一次食椒鹽九肚魚好似食椒鹽班球咁，幫我哋起埋骨，啖啖都係肉。佢個椒鹽九肚魚係超級惹味，肉質非常鮮嫩，入口即溶，鍾意食煎炸嘢嘅我畀一百分。上素酸辣羹 $68肥妹仔同朋友叫咗一個上訴酸辣羹一齊分享，話明係上素，真係完全無肉，但係佢嘅配料有好多，有豆腐， 切咗絲嘅菇， 竹笙等等， 非常之豐富。口味都係偏酸偏辣，鍾意食重口味嘅人一定要試。特色話梅骨 $158真係唔好講笑，呢一個話梅骨好靚，好似一粒粒紅寶石咁樣。佢嘅排骨係炸過黎， 外皮非常香脆，但係肉質非常之嫩滑。 再配上酸酸甜甜嘅酸梅醬，非常之開胃， 肥妹仔覺得超級好食。柚子青檸蝦球 $268炸蝦球食得多，但係柚子青檸配蝦球肥妹仔就好少食。不過呢一個配搭真係非常之好，因為佢嘅柚子同青檸醬係非常夾， 微酸 ，但係可以令到炸蝦球嘅油膩感完全冇曬。而佢嘅蝦球係非常之大隻，肉質新鮮爽口彈牙。竹笙雙耳炆鮮竹 $168呢一個菜
今晚肥妹仔同朋友去咗一間喺國際金融中心 食中菜嘅地方，肥妹仔已經聽過朋友介紹話呢一間嘅中菜價錢唔貴，但係食物質素好高，最緊要係佢係可以望住香港維港嘅夜景，景色一流，肥妹仔可謂今次係慕名而來嘅。
椒鹽九肚魚 $98
肥妹仔真係第一次食椒鹽九肚魚好似食椒鹽班球咁，幫我哋起埋骨，啖啖都係肉。佢個椒鹽九肚魚係超級惹味，肉質非常鮮嫩，入口即溶，鍾意食煎炸嘢嘅我畀一百分。
上素酸辣羹 $68
肥妹仔同朋友叫咗一個上訴酸辣羹一齊分享，話明係上素，真係完全無肉，但係佢嘅配料有好多，有豆腐， 切咗絲嘅菇， 竹笙等等， 非常之豐富。口味都係偏酸偏辣，鍾意食重口味嘅人一定要試。
特色話梅骨 $158
真係唔好講笑，呢一個話梅骨好靚，好似一粒粒紅寶石咁樣。佢嘅排骨係炸過黎， 外皮非常香脆，但係肉質非常之嫩滑。 再配上酸酸甜甜嘅酸梅醬，非常之開胃， 肥妹仔覺得超級好食。
柚子青檸蝦球 $268
炸蝦球食得多，但係柚子青檸配蝦球肥妹仔就好少食。不過呢一個配搭真係非常之好，因為佢嘅柚子同青檸醬係非常夾， 微酸 ，但係可以令到炸蝦球嘅油膩感完全冇曬。而佢嘅蝦球係非常之大隻，肉質新鮮爽口彈牙。
竹笙雙耳炆鮮竹 $168
呢一個菜有木耳， 腐竹，露筍粒同埋竹笙 。肥妹仔未食之前以為係一個非常清淡嘅菜式，但係食咗之後驚為天人。因為肥妹仔冇諗過原來 叫一碟菜都可以咁濃味同惹味。佢嘅鮮竹係炸過嚟，所以非常之香脆，加上配搭上咸香嘅醬汁，非常之下飯。
雪花蟹肉炒飯 $178
最後肥妹仔叫咗一個蟹肉炒飯作為呢一餐完美嘅 ending 。佢嘅炒飯係炒到粒粒分明，而且蟹肉嘅份量係超級多，每一啖飯你都唔會驚搵唔到蟹肉。蟹肉好鮮甜，呢一個飯喺咁多款菜式入面係算最淡味，但係咁樣就剛剛好，因為可以配返其他比較濃味嘅菜式。肥妹仔對呢一餐飯真係非常之滿意，我相信之後都會再嚟食。
Post
