Video
Read full review
2022-09-06
666 views
自從疫症之後冇飛過...好想飛好想去旅行呀~!想起大角咀有間以飛機為主題的餐廳，甚有特色，一解冇得飛之苦，因為想坐機艙座位，最好都係Book定位同問下先，Book機艙位人均消費$200，都OK，Thanks Yan Book位呀>3<~!餐廳門面外牆裝修得似飛機一樣，咁搶眼容易搵。裝修上每個位都做得好仔細，指示牌、航班時間表、登機顯示板及離港標示，甚有心思，水吧及枱椅感覺上似Lounge及酒吧。進入機艙的位置，登機了。入到機艙，眼前一亮，格局真係好似，窗口位、座位、餐車及行李櫃等，加上光線，猶如上左飛一樣~!係枱上除左枝燈之外，另外吸引注意係調味料，X-1493 The Spice Of Nature辣粉，好奇試下，海鮮辣味幾正。叫野食可撳鐘，方便。可能因為係2:30時段，食物選擇並不多，但有LUNCH SET，我們3人叫了3個Set，因人均消費$200，叫埋個小食拼盤及酒。洋蔥t甘荀忌廉湯，正常水準。紐西蘭穀詞肉眼扒 $138，肉眼扒尚算大件，有支旗作點綴，要了5成熟，肉質軟腍，香口肉味濃，不俗。澳洲穀詞牛腰窩扒，$128，餐牌本身係安格斯牛霖，但因售罄改了牛腰窩扒，
自從疫症之後冇飛過...好想飛好想去旅行呀~!想起大角咀有間以飛機為主題的餐廳，甚有特色，一解冇得飛之苦，因為想坐機艙座位，最好都係Book定位同問下先，Book機艙位人均消費$200，都OK，Thanks Yan Book位呀>3<~!餐廳門面外牆裝修得似飛機一樣，咁搶眼容易搵。
裝修上每個位都做得好仔細，指示牌、航班時間表、登機顯示板及離港標示，甚有心思，水吧及枱椅感覺上似Lounge及酒吧。
進入機艙的位置，登機了。
入到機艙，眼前一亮，格局真係好似，窗口位、座位、餐車及行李櫃等，加上光線，猶如上左飛一樣~!
係枱上除左枝燈之外，另外吸引注意係調味料，X-1493 The Spice Of Nature辣粉，好奇試下，海鮮辣味幾正。叫野食可撳鐘，方便。
可能因為係2:30時段，食物選擇並不多，但有LUNCH SET，我們3人叫了3個Set，因人均消費$200，叫埋個小食拼盤及酒。
洋蔥t甘荀忌廉湯，正常水準。
紐西蘭穀詞肉眼扒 $138，肉眼扒尚算大件，有支旗作點綴，要了5成熟，肉質軟腍，香口肉味濃，不俗。
澳洲穀詞牛腰窩扒，$128，餐牌本身係安格斯牛霖，但因售罄改了牛腰窩扒，肉質鮮嫩，口感比肉眼稍韌但更有咬口，牛肉味濃，不俗。
廚師精選長通粉，$68，餐牌本身係意大利麵，但因售罄改了長通粉(可能因為2點時段好多都售罄)，意大利腸肉蕃茄長通粉，味道鮮甜開胃，但長通粉口感有少少韌。
焗芝士忌廉菠菜，跟餐+$18，呢個造型真係好似飛機餐，芝士忌廉味唔算太濃，普通。
螺旋槳拼盤，$158，有5款小食，脆炸芝士條、炸魷魚圈、千層薯及多士，配黑松露醬，當中秘製千層薯都真係幾好味，一片片的薯塊香口惹味。
特製冰茶，友人的。凍咖啡，跟餐+$18，冇乜咖啡味....。
Sunshine，$55，Cocktails，好有夏日之感，清香的果味戴少許酒味，Fresh。
秘製特濃朱古力磚，跟餐+$18，入口冰涼，朱古力味濃郁，有點牛奶雪條的軟糯口感。食物正常水準，午餐都幾抵食，環境絕對有誠意，打卡之選，服務態度有禮貌幾好，下次有機來食晚餐都好呢。
回想返以前飛都唔會影個機艙同架機(只會影窗外風景同自拍)，而加就.....好掛念有得飛...自由的日子。
Post
