Video
Read full review
2020-10-25
30 views
疫情關係，已經一年幾無去台灣，真係好掛住去台灣夜市飲飲食食嘅日子。剛巧要去九龍城附近工作，見到有呢間台式食堂，全場爆滿仲偷聽到啲學生話好好味，即刻試下先。係門口已經見到餐牌，有好多不同種類嘅飲品食品，選擇好多元化，等位嘅時候已經可以揀定食乜，一坐低就可以落單啦。先叫一個「台灣小食豐味餐」，有台灣肉燥米線 + 台式鹽酥雞 + 黑糖冬瓜茶。台灣肉燥係用五花肉製作，有少少似滷肉而唔係豬肉碎，正正係我懷念嘅台灣味道！！味道香濃、入口即溶，醬汁再撈埋米線，每一啖都有肉燥嘅醬油香，好享受。等咗一陣，鹽酥雞就嚟到啦，即刻新鮮炸出，皮脆肉嫩，雞肉仲好juicy添，監酥粉嘅味道有啲似夜市排骨酥，又係必食之一！再加上冬瓜茶剛好去油膩，平衡返味道，我呢個餐係超超超滿足！！而男朋友就揀咗散叫，因為佢想食嘅台灣味道實在太多。先叫咗一個肉羹麵線，湯頭香濃，一碗有兩種不同嘅麵線，柔滑順口，又唔會煮得太耐過稔，再加上大大件嘅肉羹，有口感之餘又有油香，簡直一解對台灣嘅思念。另外，我地仲叫咗招牌豬腩刈包，超級邪惡，每食一啖都覺得有罪惡感但又忍唔住食完一啖又一啖。豬腩肉嘅油香就不用多說，啖啖香濃嘅滷汁，加上花生碎，酸菜同芫
係門口已經見到餐牌，有好多不同種類嘅飲品食品，選擇好多元化，等位嘅時候已經可以揀定食乜，一坐低就可以落單啦。
先叫一個「台灣小食豐味餐」，有台灣肉燥米線 + 台式鹽酥雞 + 黑糖冬瓜茶。
台灣肉燥係用五花肉製作，有少少似滷肉而唔係豬肉碎，正正係我懷念嘅台灣味道！！味道香濃、入口即溶，醬汁再撈埋米線，每一啖都有肉燥嘅醬油香，好享受。等咗一陣，鹽酥雞就嚟到啦，即刻新鮮炸出，皮脆肉嫩，雞肉仲好juicy添，監酥粉嘅味道有啲似夜市排骨酥，又係必食之一！再加上冬瓜茶剛好去油膩，平衡返味道，我呢個餐係超超超滿足！！
而男朋友就揀咗散叫，因為佢想食嘅台灣味道實在太多。先叫咗一個肉羹麵線，湯頭香濃，一碗有兩種不同嘅麵線，柔滑順口，又唔會煮得太耐過稔，再加上大大件嘅肉羹，有口感之餘又有油香，簡直一解對台灣嘅思念。另外，我地仲叫咗招牌豬腩刈包，超級邪惡，每食一啖都覺得有罪惡感但又忍唔住食完一啖又一啖。豬腩肉嘅油香就不用多說，啖啖香濃嘅滷汁，加上花生碎，酸菜同芫茜平衡返油膩感，真係拒絕唔到食哂成件。最後當然要飲返個黑糖珍珠鮮奶結尾，黑糖味濃，珍珠煙韌Q彈，再加上鮮奶，就好似食完返食個甜品一樣咁完美！
Post
