和歌山 (Closed)

今日心情down down 地, lunch 時間一個人, 行到去近太古廣場3期搵下野食, 行下行下, 入左一間和歌山日本餐廳, 呢個位置都比較高級, 但為解解返工既悶氣, 我決定 order 一個海之幸盛合魚生飯,氹自己開心.其實個魚生飯都唔平, 要$298, 但當放到面前, 就已經覺得值, 非常精美既魚生, 個玉子仲有"和歌山"3個字, 好特別, 大大隻蝦, 仲有蟹鉗, 厚切魚生, 三文魚子, 最驚喜竟然仲有我最愛既海膽, 另外仲有碎魚生加蔥, 見到一碗咁既有魚生飯, 真係有乜煩惱都會忘記晒.跟飯既wasabi應該係即磨果種, 我自己其實好怕食膏狀既 wasabi, 即係一般超市買到果D呢, 即磨 wasabi 除左辣, 仲有一股香味, 食落口會覺得好清新.wasasbi 撈醬油再淋落去, 一啖食落口, 魚生非常新鮮又夠厚, 口感非常豐富, 隻蝦啖啖肉, 隻蟹鉗好鮮甜, 帆立貝又大隻又新鮮, 海膽亦都係甜既, 而且比我預期中多, 因為出面食, 多數有海膽都係比得好少, 呢個飯軟硬同味道適中, 老實講, 一碗唔多夠候添!食完真係一解心中愁, 真係好好味, 希望下次可以抱住開心心情黎食