豊 (Closed)

Omakase真係已食過好多，以為已經再無驚喜，點知竟然仲會俾你「喜」到😋😋😋身為一個大食妹，食親omakase都唔夠飽嘅😅 實要再另嗌個湯呀，加多三四件壽司呀，加多兩三串串燒呀，餓起上黎有時仲要搵人share追加多個鰻魚飯🤪🤪🤪 未講質，淨係量都好癲，我竟然飽到要搵人幫口食😛 (細食妹可選少啲份量嘅set)我一向唔食刺身嘅魚，所以乜魚都要炙り下先食，佢有部份魚竟然唔係用火槍燒嘅，係用日本備長炭「辣」㗎😱 唔怪得食落有魚香之餘仲有陣陣炭香啦😍 除左魚，其他大部份海鮮，刺身食我都ok，但一向覺得刺身鮑魚好麻麻，又硬又冇味，佢呢度嘅鮑魚唔係刺身上亦唔係炙り上，係炆左三日咁上！超淋超入味！OMG 好食到真係想喊🥲 香箱蟹已經係季尾，仲趕得切食，啖啖肉跟啖啖蟹籽蟹膏，食過必難忘🤤仲有好恐怖嘅西班牙紅蝦soba，成個蝦頭爆哂膏，炸得香脆，爭啲成個頭吞埋！個soba跟埋個香到不得了嘅蝦湯，最後要連汁都飲埋，但我已食唔落，要分啲俾愛人🙄 但即使已好飽，呢個威士忌木煙燻「幻星鰹」(星カツオ) 都食得落，因為實在太好味，個煙燻味帶酒嘅甜香，真係堅！👍🏼👍🏼👍🏼每道菜都好鮮好味，present得亦非常靚，