木谷料理

Open Now

Now Closed

以前細個都冇咁鍾意食呢啲鹹酸野，但自從試過酸菜魚之後突然對酸菜呢樣嘢刮目相看。呢日突然好想食酸菜魚，但一個人又去唔到啲咩餐廳，就去到東廣場覓食。呢間小店定位其實有啲摸不清，又有叉燒拉麵、醉雞卷、竟然又有酸菜魚。所以就試咗一個酸菜魚麵（送杯蕎麥茶）做午餐。其實小店主打係外賣，不過要堂食的話個老闆都幾nice，會開位俾你（雖然只係坐喺路邊）又竟然唔係用膠碗，$45算係咁。酸菜魚麵用嘅只係龍利柳，雖然同大餐廳嗰啲冇得比但係夠晒滑又淋易入口。酸菜湯同平日食開嘅唔同，冇辣味反而勁多酸菜，所以鍾意食酸嘅朋友應該會鍾意，但個人意見就多得滯啦。不過佢本身個湯底都幾易入口，應該不含味精。配上嘅幼身白麵有少少似日本拉麵，不過不失啦。我覺得酸菜魚都唔算呢間餐廳嘅主打，所以覺得普普通通。不過見佢都多人買外賣，都有興趣試吓佢其他食品。