燒味滷師 (成城大廈)

Open Now

Now Closed

又來喇又來啦，呢一間平價燒味舖頭，真係成為左我外賣斬料返屋企嘅首選！今日再嚟，買咗四大盒！即刻點評一下～至尊燒鵝(1/4隻)今日嘅燒鵝光澤好靚，食落油滋滋，口感實淨！燒味佬叉燒(半斤)平時特別鍾意食佢嘅叉燒，不過今日有少少鹹咗，叫咗半肥瘦，肥瘦相間，特別惹味，食唔晒嘅諗住聽日切粒拎去炒飯添。客家鹽焗雞(半隻)鹽焗雞配左沙薑汁同埋薑蓉，雞皮唔算好肥，肉質非常嫩滑，雞毛等等都清得非常乾淨！海蜇拼泰式鳳爪(半磅)我嘅最愛，亦都係每次必買嘅食物。鳳爪已經去晒骨，醬汁好入味，夠酸得黎亦都帶有少少微辣！唔知佢之後又會出乜嘢新既斬料食品呢？搞到我又非常期待！！