杞醉

Open Now

Now Closed

嗜辣又愛飲酒嘅我，專誠去杞醉買外賣試試係咪人地講咁正😆！不得了❣️一試愛上，連屋企人都大讚好味！杞醉系列係意料之外，第一次食醉物個汁係咁甜咁順滑，仲有有花雕酒香，同大粒杞子＆蟲草花。醉無骨雞好多件🐔，啖啖肉，好入味。醉花甲嘅肉質鮮嫩，鍾意用花甲殼畢埋啲酒汁邊食邊飲😋！杞辣系列都真係幾辣🌶️，但麻辣得好過癮！黃金皮蛋💛好靚又軟滑，少少滑心。蒿荀$25一大盒，爽脆好食！杞腐系列好特別，應該係腐乳醃製，雞中翼非常入味＆淋！我仲嗌咗個撈麵 + 牛舌＆青瓜，可以自選辣度，牛舌好淋，好夾辣辣麻麻嘅麵。