太爺雞 (Closed)

朋友約我食觀塘嘅一間太爺雞，我初初都覺得比較遠，但係都照去啦，啲朋友話好好食，我哋嗰日叫咗好多個餸，每一樣餸都係我想像中好嘅，雖然佢嘅裝修唔係啲乜嘢金碧輝煌，但係食物真係令我刮目相看，首先試一試佢最出名嘅太爺雞，味道非常之夠，肉質非常嫩滑，一個涷食嘅豬手，入口爽，叫咗個鯪魚球食，都好耐未試過食炸鯪魚球，足料，最好味就係個點鯪魚球嘅蜆介醬，做得非常好，跟住叫多個鍋貼小棠菜，又係一啲功夫菜式，入口鬆脆，裏面啲蝦膠做得非常細滑，一個黑椒汁炒茄子牛仔骨，入口夠味道又不會太鹹，仲有冇味精嘅例湯飲，價錢亦相當便宜，每位大約$200！