小王子甜品 (Closed)

琴日同朋友係杉樹街骨煲王打完邊爐，走個陣時見到格離好多人 行去望真啲 原來係間新開既甜品鋪 叫小王子 因為我本人都幾鐘意飯後甜品所以就拉大隊入去小王子試下我同朋友夾埋有五個人  好彩一入去就有位坐 一坐低個樓面哥哥就即刻比左五杯水我地同餐牌 心思熟慮左一陣終於叫左個火焰炸雪糕 幾特別 會淋啲酒落個炸雪糕到度，令到平平無奇嘅嘢有返D特色，有心思蜂蜜玉桂香蕉窩夫 即叫即做窩夫外脆內軟 肉桂味好香 雪糕同窩夫一齊食絕配. 極力推介👍👍Baileys 黑糯米原味奶凍 黑糯米帶點微甜加上好滑既奶凍 口感不錯 加左bailey既甜酒 變得食落去唔會愈食愈＂漏＂  ，一試難忘👍👍荔枝葡萄園 新鮮提子配上白酒凍 味道好特甜 好鮮甜 加上荔枝肉打成既沙冰一齊食感覺就更加清新😊😊試曬咁多樣野，我同朋友就問足咁多樣野，咩黎架？有咩料架？ 嘿嘿。個樓面哥哥都好有耐性解答我地。好好服務 最後仲送左張十蚊優惠卷 比我下次黎用😝😝下次一定會再黎架！