極尚大喜屋 (加連威老道) (Closed)

好耐冇食日本野，今次除咗男朋友仲有屋企人一齊食。正正正正正。上次食已經差唔多一年前，今日嚟到發現有嘢唔同左，以前係用紙點餐而家變咗掃QR code用電話點餐。係一個進步，又環保又方便，唔使成日舉手叫店員攞紙。我哋刺身瘋狂叫，熟食亦都嗌左唔少。刺身質素唔錯，上碟快，店員反應好快。熟悉亦都有好多選擇，包括串燒、天婦羅、烏冬、溫泉蛋、羊架、咖喱炒蟹、花膠湯、炒蜆同螺等等，仲有Häagen-Dazs雪糕（限定）同甜品（Tiramisu，焦糖布甸，牛奶蛋糕...）。最尾梗係食到飽晒啦，圍番一個人二百幾，推薦大家5:30時段嚟食，因為食飽可以行下街消化下先去瞓覺，會好過8:30時段食。