鮨玥 (Closed)

上次試完個壽司餐，之後念念不忘，唯有去食多次。今次帶埋朋友嚟食，介紹左佢食壽司餐，我自己試下角切魚生飯。先講下個湯，有好多蜆肉，而且好鮮甜，似係飲緊蜆湯，而唔係麵豉湯。唔好以為角切就俾啲頭頭尾尾你，大家見到佢有幾款魚生，每粒個大少都好均勻，而且仲有隻蝦，仲有個玉子有舖頭名。佢嘅芥末又係靚嘢，係即磨會散開嗰種，唔會太攻鼻。每款魚生都好有魚味，上面仲鋪滿飛魚子添。朋友食完個壽司餐，都讚不絕口。好彩早到，我哋走時已經無枱。