友誼泰國菜館

Open Now

Now Closed

平時去九龍城多數都係去已經出晒名嘅泰國餐廳，而呢間餐廳係之前行過覺得個門面好簡單，冇特別留意個menu。今次再行過去，見到入面裝修好乾淨整齊，再加上朋友介紹話幾好食，所以今次自己一個就入去試吓。入到去餐廳嘅服務員都好好笑容好welcoming ，非常加分Menu嘅選擇都幾多，有啲小食幾吸引，譬如皮蛋蝦餅&酸辣鳳爪可惜我自己一個人食，只能夠嗌個炒飯試試水溫。我叫咗個泰式炒飯配雞肉。炒飯嚟到係出晒煙，粒粒飯都炒得好乾身，雞肉好嫩滑唔係雞胸肉嗰隻諧霎霎，擺盤都有啲心思不過食到最後都見到幾多油Anyway, 食完好滿足期待下次約多啲朋友可以一齊去食唔同嘅小菜！