Video
Read full review
2023-03-26
738 views
好耐之前喺深水埗食過一次poke飯之後，一試愛上❤️喺openrice見到哩間餐廳好耐架啦，好早將佢bookmark，今日終於拉到朋友一齊去食😌餐廳喺希雲街，門口唔算特別明顯，唔細心留意，比較容易錯過。入到餐廳可以自由揀位，揀好食物，就去櫃台落單。每款poke bowl 都可以揀份量，有迷你、普通、加大。⚠️留意mini size只限下午茶時段‼️今日同朋友一人食一個regular size poke bowl，落單後，拎單等食物。食物整好之後，職員會拎過嚟。不過餐廳比較細，所以通道都有啲逼，當有人去落單，職員又咁啱出嚟執枱或者送餐，就會塞車😅我同朋友都係叫California 加州風味碗，有三文魚、青瓜、雞蛋絲、三文魚子配果仁芝麻醬。California 加州風味碗 ($98)我自己嗰份無追加其他配料，飯底揀咗壽司飯加醋飯。California 加州風味碗 ($118)朋友追加咗牛油果、蟹肉，唔要飯，揀咗沙律菜。食物賣相靚仔，出菜都好快，食材新鮮。我係揀飯底，覺得個飯有小小乾，同埋食材切得偏大。如果切細啲會容易啲進食，而且沾到嘅醬汁會再多啲，更加惹味。朋友嗰份加咗配料，而且食沙律菜底，睇落
喺openrice見到哩間餐廳好耐架啦，好早將佢bookmark，今日終於拉到朋友一齊去食😌
餐廳喺希雲街，門口唔算特別明顯，唔細心留意，比較容易錯過。
入到餐廳可以自由揀位，揀好食物，就去櫃台落單。
每款poke bowl 都可以揀份量，有迷你、普通、加大。
⚠️留意mini size只限下午茶時段‼️
今日同朋友一人食一個regular size poke bowl，落單後，拎單等食物。
食物整好之後，職員會拎過嚟。
不過餐廳比較細，所以通道都有啲逼，當有人去落單，職員又咁啱出嚟執枱或者送餐，就會塞車😅
我同朋友都係叫California 加州風味碗，有三文魚、青瓜、雞蛋絲、三文魚子配果仁芝麻醬。
California 加州風味碗 ($98)
我自己嗰份無追加其他配料，飯底揀咗壽司飯加醋飯。
California 加州風味碗 ($118)
朋友追加咗牛油果、蟹肉，唔要飯，揀咗沙律菜。
食物賣相靚仔，出菜都好快，食材新鮮。
我係揀飯底，覺得個飯有小小乾，同埋食材切得偏大。
如果切細啲會容易啲進食，而且沾到嘅醬汁會再多啲，更加惹味。
朋友嗰份加咗配料，而且食沙律菜底，睇落更加豐富🥗
整體嚟講，味道唔錯。
但以哩個價錢，份量相對較細，女仔夠食，男士可能要考慮加大。
試過同類型嘅餐廳，都係差唔多價錢，但份量都比較大。
Post
