醉美島 (Closed)

元朗鳳攸南街一帶有好多特色小店，今次一於試吓呢間餐廳嘅串燒同海鮮鍋。 海鮮鍋🦐🦀🦑點咗小煲2-4人份，BB辣，有肉蟹、鮑魚、蝦、蜆、魷魚鬚、娃娃菜、金針菇、粟米等等，材料豐富。湯底濃味，我同朋友食得辣嘅覺得可以試中辣😂 停唔口雞泡魚乾有咬口，好滋味，食吓食吓真係停唔到口！ 燒韮菜好大份😂韮菜爽甜，加埋味粉好有風味。 蒜蓉茄子🍆海量蒜蓉好好味，茄子又甜，而且唔會燒到好腍啤啤，仲食到一絲絲嘅茄子。 燒菠蘿🍍份量都唔少，而且切咗細細件，可以一啖一件，幾方便。 如果要食海鮮鍋，記住要預先同餐廳預訂，等佢哋有準備。