無印良品

Open Now

Now Closed

每次經過都會想試試，但一睇價錢就會走人，今次真係決心黎試試。落單形式同快餐一樣，自己搵位，出去落Order拎野食執碟。食物質素唔算差，冷盤比較出色，但以呢個價錢真係可以有更好更好既選擇，兩人叫左兩樣，每人平均$93。牛油雞肉雜菜咖喱飯 $98一Set有埋味啪湯、冷盤同主菜，整體份量唔算好多，岩岩好夠飽。味噌湯味道清清地，都有配料食到。冷盤揀左個紫薯波，估唔到呢但個咁好味，紫薯蓉配表蘋果粒，好濃嘅紫薯味，配埋酸甜嘅蘋果粒，口感好清新。個飯就餸比較多，咖喱汁好濃郁，唔辣偏甜。芝士烤雞肉三文治 $88呢個要到下午茶時間先有得配埋野飲，三文治烘到好鬆脆，芝士半溶狀態，滿佈雞肉片，令到好香，同埋加多份咸香味係到，個包係整得幾好味。而薯條外表唔金黃一般般咁，食落又唔算差，係比較實在既口感，表面可以再脆口啲。