和花亭壽司 (Closed)

難得岩岩考完試又停課，當然要即刻拉媽咪出TST，慶祝一下啦是日叫左以下既壽司：玉子　好味，但係真係幾大舊三文魚　雖然唔係腩，但係都幾肥，而且好新鮮三文魚腩　都係好新鮮，脂肪分佈平均，咬落去d油bid晒出黎辣三文魚　麻麻地鰻魚　燒得好好，上枱既時候仲係熱熱地，而且唔腥帶子　好鮮甜！至於卷物方面，其實佢d卷物既下半身都係一樣，只係面頭唔同。但係有一個問題就係，件件卷物都好大舊，唔可以一啖擺入口，而卷物中間既紫菜又好韌，咬極都咬唔斷，變左食得好狼狽 同埋卷物唔算特別，$28一碟偏貴。鰻魚芝士卷　面頭件鰻魚都係好正，夾埋芝士食原來都match和花亭炸蝦卷　呢個唔得，中間舊炸蝦淋晒唔脆胡麻三文魚火焰卷　唔錯，件三文魚算幾肥美，但係燒得熟得濟芝士半熟蝦火焰卷　隻蝦好味，但係芝士就冇乜味另外，我地又叫左睍湯，好味精，而且完全冇睍果種獨有既鮮味總括黎講，只屬一般，下次唔會話特登黎食。