銀座梅林 (Closed)

兩星期前同朋友嚟新開嘅銀座梅林試下有幾特別。首先，間舖嘅位置都幾難搵!如果喺K11商場度落B1嗰層，係無通道通去餐廳嘅。要先落去B2,再喺霞飛點心拉麵對面嘅通道搭返電梯上B1先見到間餐廳。又或者喺地面碧仙桃路入口有條電梯直達去B1。我地一行6人，接待員安排咗張卡位比我地。但係張卡位枱，根本就坐唔到6個人。睇落張枱嘅size同其他4人卡位係一樣大，所以我地都坐得好辛苦下。今次我地每人分別叫咗一個定食，另外仲叫咗兩客梅林豬扒三文治同一個5點刺身。梅林豬扒三文治 ($68): 呢個真係幾好食，不過$68份三文治，我覺得貴咗d囉!5點刺身 ($248): 無鮮味，剩係食到一堆雪味!吉列黑豚豬扒定食($158): 好厚身，幾鬆脆。不過肥膏略嫌多咗d，食到成口油咁!吉到蝦定食($168): 個吉列皮用自家製新鮮麵包糠炮製，係就係好脆，不過食落好似乾咗d!不過佢個麵豉湯幾好飲。老實講，我覺得大家差唔多嘅價錢，Tonkichi 好食d囉。雖然梅林個豬扒汁係自家制，但就缺少咗d芝麻味，無咁香囉。 同埋佢d豬扒比較多肥膏，好油膩。