新明發食家 (Closed)

特意走去大埔買海鮮，買之前過去公園果頭搵食，先食呢間盅頭飯。叫左一盅豉椒排骨飯（$27），鳳爪排骨飯（$27），同一碟粉果（$14）。落完單食物已經即上，盅頭飯熱辣辣，香噴噴，淋上自家豉油，味道再提升。個人覺得唔落豉油撈飯都夠味，因為無論係豉椒排骨或鳳爪排骨，排骨肉汁都滲透落飯粒裡面，已經好入味。粉果一碟有三粒，加d辣油連辣椒渣，令粉果食落冇咁寡。不過，個人覺得粉果內餡一般，好似一pat pat咁，麻麻地。如果唔洗等位，呢度一試無妨吧，但個人更喜愛太子第一腸粉的盅頭飯呢。