Video
Read full review
2021-04-08
55 views
金三角係九龍城呢個泰國菜競爭激烈嘅戰場，舖頭由泰國人主理，舖面望落細細地，但原來另外有間大房，牆身貼滿好多泰國電影poster，我估應該係老細私人珍藏。冬陰蝦湯河 $50 (lunch連泰式冰奶茶)冬陰功酸辣味做得好好，又唔會太辣，所以平時食小辣嘅朋友都可以飲到，河粉用一塊塊薄麵塊，同茶餐廳一條條麵條好唔同，河粉仲更吸湯同細滑。蝦好生鮮彈牙，配料都好充足。拍靚咖哩牛 $72 +蒜蓉包 $25見到拍靚呢個名好特別，所以就試一試睇下同普通咖哩有咩唔同，拍靚比一般咖哩更甜，所以食落都係無咁辣，牛肉嫩滑，夾埋香脆蒜蓉包一齊食非常好味。燒雞半份 $78燒雞燒得好有香烤味，外皮好脆，但肉質嫩滑，燒得啱啱好。雞用黃薑粉、糖、香料等等醃過，食落好香味，好惹味。另外配有酸汁、辣汁，不過唔洗點都好夠味。泰式串燒雞腎 $14 &泰式串雞 $12雞腎同雞肉真係燒得好食，用唔同醬料調味，燒得好香，但串燒又唔會太乾。泰式串酸豬肉 $14又係叫酸豬肉好特別，所以又試下，成日口感味道同台灣腸好似，但酸豬肉裡面有軟骨同洋蔥，所以食落口感更加有層次。芒果沙冰 $25沙凍打得好細滑，好香芒果味，但又唔會太甜，好好飲。椰汁西
冬陰蝦湯河 $50 (lunch連泰式冰奶茶)
冬陰功酸辣味做得好好，又唔會太辣，所以平時食小辣嘅朋友都可以飲到，河粉用一塊塊薄麵塊，同茶餐廳一條條麵條好唔同，河粉仲更吸湯同細滑。蝦好生鮮彈牙，配料都好充足。
拍靚咖哩牛 $72 +蒜蓉包 $25見到拍靚呢個名好特別，所以就試一試睇下同普通咖哩有咩唔同，拍靚比一般咖哩更甜，所以食落都係無咁辣，牛肉嫩滑，夾埋香脆蒜蓉包一齊食非常好味。
燒雞半份 $78
燒雞燒得好有香烤味，外皮好脆，但肉質嫩滑，燒得啱啱好。雞用黃薑粉、糖、香料等等醃過，食落好香味，好惹味。另外配有酸汁、辣汁，不過唔洗點都好夠味。
泰式串燒雞腎 $14 &泰式串雞 $12
雞腎同雞肉真係燒得好食，用唔同醬料調味，燒得好香，但串燒又唔會太乾。
泰式串酸豬肉 $14
又係叫酸豬肉好特別，所以又試下，成日口感味道同台灣腸好似，但酸豬肉裡面有軟骨同洋蔥，所以食落口感更加有層次。
芒果沙冰 $25
沙凍打得好細滑，好香芒果味，但又唔會太甜，好好飲。
椰汁西米糕 $30
西米糕好香椰奶味，裡面除咗西米仲加咗馬蹄落去，有兩種唔同口感。
Post
