Video
Read full review
2017-03-09
1465 views
今日同朋友去銅鑼灣買野 行到好夜 大家都好肚餓 聽朋友講話附近有間好唔錯既德國餐廳 所以有諗住擇日不如撞日 就今日去試下～呢間餐廳內部充滿德國風 入面有好多德國啤酒既介紹 仲有德國著名既城堡風景相～係我地既前方有吧枱 啲啤酒同食物都係喺嗰度送出黎 我地見到吧枱既櫃擺滿左各式各樣既啤酒同其他酒類飲料 好有氣派黎到德國餐廳 一定要試下德國啤酒 我同朋友首先點左一杯Bitburger Premium Beer 後黎又追加左一杯benediktiner Weissbier 🍻主菜方面真係好多都好吸引 我同朋友都一致想食德國豬手🍖 朋友前兩個月先去左德國 佢話食左好好味既豬手 好難忘 想食返當時既味道～ 我就好想試魷魚鮮蝦墨汁意大利飯 成日見到人地食到個嘴黑媽媽 我都好想試下 不過點都要揀返個頭盤先～我地點左新鮮三文魚他他香草酸忌廉汁伴溫泉蛋 🥚🥗🐟 三文魚配溫泉蛋真係第一次食～ 一篤穿個蛋白 入面既蛋黃漫漫流落啲三文魚到🍳 我地將蛋黃汁三文魚配埋他他香草同番茄🍅一齊食 酸酸甜甜又咸咸地 味道非常好 👍🏼 三文魚好新鮮 配埋鮮蛋黃汁 簡直係雙重鮮味😋 值得一試喺我地食緊頭盤期間 一杯500mL既
呢間餐廳內部充滿德國風 入面有好多德國啤酒既介紹 仲有德國著名既城堡風景相～係我地既前方有吧枱 啲啤酒同食物都係喺嗰度送出黎 我地見到吧枱既櫃擺滿左各式各樣既啤酒同其他酒類飲料 好有氣派
黎到德國餐廳 一定要試下德國啤酒 我同朋友首先點左一杯Bitburger Premium Beer 後黎又追加左一杯benediktiner Weissbier 🍻
主菜方面真係好多都好吸引 我同朋友都一致想食德國豬手🍖 朋友前兩個月先去左德國 佢話食左好好味既豬手 好難忘 想食返當時既味道～ 我就好想試魷魚鮮蝦墨汁意大利飯 成日見到人地食到個嘴黑媽媽 我都好想試下 不過點都要揀返個頭盤先～
我地點左新鮮三文魚他他香草酸忌廉汁伴溫泉蛋 🥚🥗🐟 三文魚配溫泉蛋真係第一次食～ 一篤穿個蛋白 入面既蛋黃漫漫流落啲三文魚到🍳 我地將蛋黃汁三文魚配埋他他香草同番茄🍅一齊食 酸酸甜甜又咸咸地 味道非常好 👍🏼 三文魚好新鮮 配埋鮮蛋黃汁 簡直係雙重鮮味😋 值得一試
喺我地食緊頭盤期間 一杯500mL既Premium beer就送到枱面🍺 我平時唔飲啤酒 但喺朋友一再推介下 我就飲左少少～含4.8%酒精既德國啤酒果然好清新 唔似街外嗰啲啤酒咁苦 佢既味道好甘醇 我最後瘋狂地飲左差唔到三份一杯😋🍺
由於本身諗住今晚唔會飲太多酒 所以一早點左杯無酒精飲品 當然最後其實係飲左唔少德國啤酒😂 呢杯叫Cinderella既飲品係以士多啤梨🍓同埋菠蘿🍍汁為主 味道清甜可口 如果大家唔好啤酒 仍然有大量非酒精飲料住君選擇 我本身想試埋Little Green Man添 即係以奇異果同埋青蘋果做主題既飲品 可惜比啤酒俘虜左我個心 最後冇試到 😫
食完頭盤就有一個名為Goulash Soup 即係傳統匈牙利熟燉牛肉湯 🥘 唔係講笑 呢個湯好好飲 係我暫時飲過最滿意既餐湯之一 啲牛肉好腍而且一啲都唔羶🐮 整個湯有濃濃既牛肉味但又一啲都唔油膩 我地將麵包浸落牛肉湯 香口既烘麵包吸收左牛肉湯既精華 令人胃口大開😍
重點登場😍 超級巨型既德國豬手出現喇！連我朋友都好驚嘆點解可以大過佢喺德國食既豬手🍖 真係好大好大 影相冇辦法完美呈現佢既巨大 😍 而且未食之前已經聞到烤肉既香味☺️ 仲要咁大隻都只係$198 好抵食👍🏼
餐廳廚師同店員都非常貼心 等我地影完相之後再幫我地切成一小塊～ 豬手既外皮烘到脆卜卜 皮下有一層厚厚既脂肪 又香又脆😋 豬手肉質鮮美 好香口好嫩滑🍖我同朋友都食得好滋味 慢慢品嚐德國豬手既咸香 朋友仲話同佢喺德國名店食到既豬手一樣咁正😍 德國豬手配埋德國純啤酒🍺 簡直係完美配搭☺️
食完德國豬手之後 就到我好期待既意大利飯🍚 呢道係低溫魷魚鮮蝦墨魚汁意大利飯🦐🦑 唧啲檸檬汁喺面頭 令意大利飯既味道更清新～ 墨魚汁好香 同魷魚味道好夾 兩者既鮮味得以提升 真係食到個嘴黑媽媽都覺得好快樂😂 另外隻蝦好大隻 蝦肉爽口彈牙 相信餐廳選料上盛 揀既海產魚類都好新鮮 😋❤
喺食意大利飯既時候 我地已經飲曬Premium beer 咁好飲實在停唔到口 我地又叫左500mL既 Benediktiner Weissbier 🍻呢種啤酒比Premium beer 更加濃厚 有5.4% 既酒精 但我覺得係另一種風味 佢既麥味重啲 飲落更加香濃醇厚 我飲左差唔多半杯😋
最後黎左兩件賣相精緻既甜品 左邊係日式黑芝麻芝士餅 右邊係日式柚子芝士餅🧀🍰 芝士味道唔會太濃 反而黑芝麻味同柚子味更突出～芝士令蛋糕更加細滑 配埋酸酸甜甜既士多啤梨🍓同紅莓 味道好唔錯😊今晚我同朋友都覺得好滿足好幸福 食左好高質素既德國菜 而且價錢合理～ 服務員態度非常親切 不斷為我地加水 又更換乾淨既碟 仲主動幫我地同德國豬手合照😂 我同朋友都決定要再encore 下次帶埋其他朋友一齊黎試☺️
Post
