Video
Read full review
2023-03-04
55 views
2月中果排實在太忙，今日終於有時間同另一半補祝返情人節。我哋揀咗康城呢間好有情調嘅西餐廳，叫左個二人set dinner ($328)龍蝦湯（加$30, 8.5/10)個湯一上枱已經聞到有好濃郁嘅龍蝦香氣，湯入面亦有多種香料帶出龍蝦嘅鮮味。平時飲嘅龍蝦湯都係偏向杰身，我反而都幾鍾意呢個偏稀嘅質地，唔會話好滯是日餐湯：西蘭花薯仔忌廉湯 (8.5/10)呢個由薯仔同忌廉blend成嘅餐湯，加埋湯面嘅橄欖油，口感十分幼滑。個湯有好重薯仔味，但飲完又唔會覺得好飽滯，絕對不是普通行貨嘅餐湯。而且仲有啲煙肉脆條，令成個湯味道層次更豐富三文魚沙律 (加$30, 8/10)煙三文魚無腥味，而且唔會太咸。羽衣甘藍同埋其他沙律菜都十分新鮮，配上凱撒沙律醬感覺好清新燒烤汁雞翼 (加$38, 7.5/10)外皮焗得香脆，雞翼亦幾惹味，如果入面更多汁會更好蘑菇黑松露意大利生肉腸酸種薄餅(加$30, 9/10)本身作為麵包控嘅我，成餐最期待就係呢個純手工嘅Sourdough Pizza😍 聽店員介紹，呢個Pizza 特別在於採用48小時低溫發烤，所以面團比較鬆軟，而且比普通Pizza容易消化。我食落覺得Pizza
2月中果排實在太忙，今日終於有時間同另一半補祝返情人節。我哋揀咗康城呢間好有情調嘅西餐廳，叫左個二人set dinner ($328)
龍蝦湯（加$30, 8.5/10)
個湯一上枱已經聞到有好濃郁嘅龍蝦香氣，湯入面亦有多種香料帶出龍蝦嘅鮮味。平時飲嘅龍蝦湯都係偏向杰身，我反而都幾鍾意呢個偏稀嘅質地，唔會話好滯
是日餐湯：西蘭花薯仔忌廉湯 (8.5/10)
呢個由薯仔同忌廉blend成嘅餐湯，加埋湯面嘅橄欖油，口感十分幼滑。個湯有好重薯仔味，但飲完又唔會覺得好飽滯，絕對不是普通行貨嘅餐湯。而且仲有啲煙肉脆條，令成個湯味道層次更豐富
三文魚沙律 (加$30, 8/10)
煙三文魚無腥味，而且唔會太咸。羽衣甘藍同埋其他沙律菜都十分新鮮，配上凱撒沙律醬感覺好清新
燒烤汁雞翼 (加$38, 7.5/10)
外皮焗得香脆，雞翼亦幾惹味，如果入面更多汁會更好
蘑菇黑松露意大利生肉腸酸種薄餅(加$30, 9/10)
本身作為麵包控嘅我，成餐最期待就係呢個純手工嘅Sourdough Pizza😍 聽店員介紹，呢個Pizza 特別在於採用48小時低溫發烤，所以面團比較鬆軟，而且比普通Pizza容易消化。我食落覺得Pizza餅皮帶焦香，咬落外脆內軟之餘又有少少煙韌，連平時唔食Pizza 邊嘅我都會不自覺食晒成件Pizza。餡料亦非常出色，有意大利腸，蘑菇，大量蘑菇蓉同黑松露醬，菇香充滿成個口腔，每一啖都非常滿足
油封三文魚 (加$30, 8/10)
三文魚入口嫩滑，魚皮香脆，蘆筍鮮甜。刁草油忌廉汁同三文魚好夾，再加少少檸檬汁亦可以減少油膩嘅感覺
提拉米蘇 (加$45, 7/10)
Tiramisu份量比想像中大，口感軟滑，有少少咖啡香，不過味道唔算特別有驚喜，另外如果有少少生果伴碟令個賣相靚啲會每成餐飯更圓滿
餐酒 (+$58/杯）
紅酒：Karl May Pinot Noir 2021 (8/10)
白酒：Karl May Grauburgunder 2021 (8.5/10)
兩款餐酒都係嚟自同一個品牌Karl May嘅德國餐酒，都係低干擾製作嘅自然酒，較為天然同環保。紅酒帶紅莓果香，唔會好澀；白酒甜甜地，好易入口
整體我覺得餐廳食物同飲品質素俱佳，環境亦好舒服。另外，估唔到喺商場嘅餐廳入面都有Outdoor 座位，位置闊落舒服，景觀好開揚，氣氛浪漫，好適合嚟慶祝紀念日或者同另一半靜靜地飲下酒傾下計。呢間餐廳絕對係性價比高之選，值得一試
💰人均: $350
7 views
0 likes
0 comments
5 views
0 likes
0 comments
9 views
0 likes
0 comments
9 views
0 likes
0 comments
8 views
0 likes
0 comments
12 views
0 likes
0 comments
12 views
0 likes
0 comments
Post
