狂野麻神麻辣火鍋 (Closed)

同同事辛苦地OT完就一齊去打邊爐，佢介紹呢間狂野麻神麻辣火鍋，就跟左佢嚟試下。估唔到佢哋都有幾多嘢食，各款唔同種類嘅配料都有齊晒☺️仲有啲花生、木耳小食同下口癮。佢哋個麻辣湯底真係夠晒辣，再加埋口感好滑嘅果凍鴨血，真係食到我而家都會回想返起個味道🥰仲有我好鍾意嘅韭菜餃，韭菜味極香，仲皮薄又滑。之後佢哋仲會有個牛肉盛，牛頸脊、牛小排、牛胸爽、牛根膜、 一口牛任君選擇，牛肉粉粉地顏色睇落十分之吸引，而且全部都唔會太好可以吸收到湯底嘅精華。跟住海鮮盛合啲海鮮都好新鮮，性價比真係好高。唔夠飽好仲可以食埋水晶寬粉，索湯汁一流。