佐賀燒肉谷 (屯門市廣場1期)

Open Now

Now Closed

佐賀和牛見間野新開咪去試下，令我一試難忘再試投降，21/5星期六夜晚6:30到去唔洗等位咪試下，叫左個set c試下啦，可能平價嘢啦頭盤賣相一般，正常頭盤都靚靚囝囝，我唔明白間嘢點解可以攪到啲肉有瘀黑同雪到有冰，牛脷切得夠厚身但失敗於放入口係韌嘅，其他肉類性價比下去不值一提，比較容易接受都係牛小排，真係韓XX醃製肉類都好過佢，自助吧飲品唔夠凍又無人補充食品，自助熟食區冇款簡直係失敗寧願去改為order，驚喜嘅係有個沙律區/雪糕機豆腐花，咁啱又俾我聽到門口個男職員喺度講啲客人嘅壞話內容就唔講啦，（明明係同一間公司隔離牛氣食物質素都仲好啲，但比最初時質素都係差咗，希望佢哋公司檢討吓？）真係冇想過第一次寫食評，係差評