Pancake Colours Cafe & Bar (Closed)

男友在團購買了此家cafe的coupon，所以有機會來試。早一天卜位都無問題。入座時侍應好有心咁嘗試揾窗邊位比我哋，但最後都冇，算吧，無乜所謂，有心已經好難得了。餐湯係忌薕粟米湯，其實又係麵粉湯一碗。不過不失，一般啦。饅魚蛋包飯，個飯細到一定食唔飽一個成年男人。但味道都OK。十二安士煎豬扒蛋包飯-落枱時嗰刻係牽動食慾，個蛋包飯明顯比饅魚嗰碟大好多。滿心歡喜鋸豬扒了，不知道餐廳是否想考驗客人的耐性及牙力，真係有趙口到呢.......食左一舊已經想放棄淨番嗰一大塊。除左勁有咬口既豬扒外，整碟野既味道，特別係蛋包飯真係好好食。餐飲，整個餐牌勻勻三，四十樣，只有兩個綠茶同檸茶唔使加錢。甜品方面，今日係朱古力奶凍，有黏性又帶彈力既奶凍，唔講我會以為自己食緊彈牙芝麻糕，仲要係失敗左嗰隻。最後，值得一提既係洗手間，傳出一股惡臭，今人食慾都掩蓋既惡臭。餐廳方面真係有必要檢討這一點。想找待應既時候, 每次都要企高個身, "樣樣下", 每次都要1-2 mins先至有人應. even係埋單本人就認為，無任何原因令我再黎幫襯，試過一次就完完全全足夠有餘了，失望！