慢煮工業 (Closed)

🤰🏻今日放工去咗花墟買花，之後同老公喺附近食晚飯。之前上網搵到哩間人氣餐廳，立即預早book定枱今晚嚟試。餐廳室內裝潢帶文青工業風，灰色牆身配上木架🪵、木櫃同其他以大地色為主嘅裝飾，設計十分有品味同格調。我哋特別欣賞哩間餐廳無加一服務費，讓人客可以將所有財力放喺食物上。1️⃣ 蟹肉羽衣甘藍青蘋果沙律 🦀🥬🍏🥙 $88蟹肉份量多，好俾貨。沙律菜🥗新鮮青甜，加入少少醋汁開胃醒神，健康之選。2️⃣ 甜蕃薯條 🍠 $28$28哩個價錢，無諗到份量會咁大！一大桶熱辣辣、香噴噴嘅甜蕃薯條，令人垂涎三尺！甜蕃薯條脆卜卜，香甜可口，真係令人食到停唔到口。3️⃣ 慢煮菲力牛扒配芝士 🐂🧀 $128上網睇先知原來菲力牛扒為腰內肉，瘦肉多，油脂含量低，係牛肉最嫩嘅部位。每隻800公斤嘅牛大約只有4公斤係菲力牛肉。咁矜貴，當然要一試！嘩！肉質十分軟淋同細嫩，最緊要係無筋，一啲嚡口感覺都無，加入少少鹽同蒜蓉調味，已經滋味萬分，牛扒下面有塊好似熱香餅嘅芝士，夾埋一齊食，陣陣咸香味慢慢散發出嚟，好食😋！4️⃣ 牛油果三文魚薄餅 🥑🐟🍕 $98嚟到嘅時候忍唔到「嘩」咗一聲，份量驚人，長度大約有兩隻男人手掌✋🏽✋🏽咁長。整塊餅底上鋪滿