Video
Read full review
2016-07-17
2242 views
呢間真係一試難忘本身諗住近，食完飽左可以行返歸，比較方便，同埋開左都一段時間，未試過所以試下，喺呢度見178加一，都唔算太貴，可接受範圍，起碼唔過二字！點知去到先知原來已經加左價，變左188加一，如果18:30後仲要208加一，佢D食物質素真係對唔住個價錢！一黎食刺身，三文魚算過得去，不過不失，吞拿魚完全無味，甜蝦第一轉要六隻，六隻都有頭、第二轉開始就變哂無頭，仲要之後第三轉過份解凍，暖嘅刺身，帶子真係不叫也罷！之後到炸野，炸蠔腥臭到變壞左，我舉手投訴，佢話炸過畀我，真心唔敢再要，拒絕左！唯一好食嘅炸野，係天婦羅炸蝦，好食，彈牙，夠熱，粉唔太厚！最好笑係佢話自己係皇牌嘅咖哩炒軟殼蟹，好地地一隻軟殼蟹就咁就糟蹋左，又淋又一劈野，就咁炸完畀我咪算囉，做乜要攪咁多野！真正嘅多餘，做多左！羊架算係咁多燒物中，最似樣嘅一樣！炒牛柳都唔錯，起碼咬得入，吞得到，不過無乜牛味！佢最好食同品質keep得最好嘅野一定係雪糕同汽水！牛奶公司小杯裝，好食！罐裝汽水好飲！如果非必要，真係咪攪，坐多兩個站去觀塘，唔貴得幾多，但款多食物質素都更好，再唔係返出mk，佐敦，質素都好過佢！順手一提，佢係小有嘅放題會招待單
本身諗住近，食完飽左可以行返歸，比較方便，同埋開左都一段時間，未試過所以試下，喺呢度見178加一，都唔算太貴，可接受範圍，起碼唔過二字！
點知去到先知原來已經加左價，變左188加一，如果18:30後仲要208加一，佢D食物質素真係對唔住個價錢！
一黎食刺身，三文魚算過得去，不過不失，吞拿魚完全無味，甜蝦第一轉要六隻，六隻都有頭、第二轉開始就變哂無頭，仲要之後第三轉過份解凍，暖嘅刺身，帶子真係不叫也罷！
之後到炸野，炸蠔腥臭到變壞左，我舉手投訴，佢話炸過畀我，真心唔敢再要，拒絕左！
唯一好食嘅炸野，係天婦羅炸蝦，好食，彈牙，夠熱，粉唔太厚！
最好笑係佢話自己係皇牌嘅咖哩炒軟殼蟹，好地地一隻軟殼蟹就咁就糟蹋左，又淋又一劈野，就咁炸完畀我咪算囉，做乜要攪咁多野！真正嘅多餘，做多左！
羊架算係咁多燒物中，最似樣嘅一樣！
炒牛柳都唔錯，起碼咬得入，吞得到，不過無乜牛味！
佢最好食同品質keep得最好嘅野一定係雪糕同汽水！牛奶公司小杯裝，好食！罐裝汽水好飲！
如果非必要，真係咪攪，坐多兩個站去觀塘，唔貴得幾多，但款多食物質素都更好，再唔係返出mk，佐敦，質素都好過佢！
順手一提，佢係小有嘅放題會招待單人食，
出面多數都要兩位起，孤獨精可以黎挑戰下自己嘅忍耐極限！
謝謝！
Post