To-Gather Cafe (Closed)

朋友介紹間店幾好同埋都幾舒服，所以今日約左一班朋友在依度聚聚。第一次去金雞商場，個感覺好舊，原來有咁多桌球店同打機嘅地方咁，等lift時大部分都係男仕，開始時有點懷疑係咪自己去錯地方。一入到聞到陣味有啲後悔，好似有清潔劑味。咁唯有盼望一下野食啦。味道好一般，鰻魚整得唔夠淋，飯太硬，爭鮮嘅鰻魚壽司內飯同鰻魚都比佢好食。要讚下嘅就係嗰兩片青瓜幾新鮮啦。呢杯香蕉奶昔嘅香蕉係味粉嘅假香蕉味道，鳳仙雪條最外邊一層嗰種味，奶味唔濃，有一堆碎冰。其實都唔知自己飲緊咩。服務態度唔錯，坐位都好闊，如果想一大班朋友玩game可能都幾好，但食物質素唔好期望太多。