雲川 米線・紅薯粉 (盛發大廈)

Open Now

Now Closed

朋友係一位麵線控，今日佢帶我過嚟元朗呢一間雲川，亦都係佢最愛食嘅米線店。星期六日晚上去到，都有唔少人排隊，入到去裝修環境乾淨，座位闊落，出餐亦都好快。朋友推薦必須要點豬頸肉，然後我就點咗一碗豬骨湯配豬頸肉嘅紅薯粉。我諗下一次一定要試米線，因為紅薯粉比較飽肚，但係佢嘅豬頸肉真係一試愛上。重點嘅係豬骨湯底真係非常之正，非常濃郁，好多肉碎料，但有少少辣，好有味道。忍唔住清晒個湯，都真係夠晒飽！額外再加咗個手撕雞小食，麻味比較重，但芝麻醬比較稀，比平時出邊食嘅手撕雞有少少唔同。