鹵家

Open Now

Now Closed

係ig見過唔少人推介呢間鋪頭，今日終於有機會黎試下。今晚六點幾黎到唔駛等位就入得，店鋪唔大，當晚所見的食客大部分都係一家大細黎食，主要做街坊生意。一場黎到一定要試下佢地最出名的蜜汁叉燒，一上枱就比佢吸引住，色澤好靚，仲有少少燶邊，而且叉燒的肥瘦比例岩岩好，食落好淋身，配飯食一流唯一要挑剔既係蜜汁少左啲，甜味唔夠。跟餐仲有碗無味精的住家老火湯，當晚的湯係老黃瓜赤小豆扁豆豬骨湯，碗湯落足料，仲可以解下燒味的油膩。另外我地仲叫左份例牌燒鴨，望落個皮燒得幾靚，不過食落就唔夠香同唔夠脆，而且偏咸，相比起叉燒就失色不少。最後仲叫左碟冷盤，話梅涼瓜真係第一次食，涼瓜片好脆，但我覺得話梅味太重，無哂苦味，搶走左涼瓜本身的味道。