鹵家

Open Now

Now Closed

近日經朋友推薦下去咗元朗依間燒味店 "鹵家"，由5星級酒店經驗豐富嘅老師傅用心烹製  ;  所以就揀左今日下午茶時段來品嚐呢度嘅燒味啦 ~ 入到店舖，環境設計簡約，地方潔淨。點選咗兩個下午茶餐，加配小食及老火湯。梅子脆燒鴨米線       $39這個招牌菜梅子脆燒鴨米線，必食推介！燒鴨味道甘香，鴨皮燒得香脆，鴨肉味道濃郁，炭火香味散發出來，烤得外皮香脆，肉質鮮嫩，湯底清甜，米線爽滑。 頭抽豉油雞米線       $39另一款係頭抽豉油雞米線，香味濃郁嘅頭抽，微甜嘅豉油香，雞好入味，雞皮滑嘟嘟，雞肉好爽滑，不會有較多脂肪，就最啱我啦。套餐米線滑嘟嘟，爽口彈牙。話梅涼瓜片      (+$24)小食揀咗本店嘅招牌菜話梅涼瓜片，絕對係清涼嘅小食，推薦！涼瓜完全吸入話梅味，冇本身涼瓜嘅苦澀味，清甜爽脆，口感清新，好美味嘅涼拌小食。拍蒜青瓜       (+$18)另一款小食拍蒜青瓜，味道亦唔錯，清新爽甜，口感好fresh，少少辣少少鹹，十分開胃。套餐加 $12 揀住家老火湯 及 凍檸檬茶 $5，老火湯每日新鮮熬製，聲稱不加味精。今日老火湯係木瓜花生章魚雞腳豬骨湯，湯裡面有好多材料，飲起嚟完全唔

舖仔細細好家庭式餐廳好舒服隔離枱係咁望住張海報一睇嘩！大廚咁大餐廳經驗真係要試試先推介🍚無味精老火湯南瓜蟲草花紅蘿蔔湯簡單食材煲到濃湯 有心思最後飲曬成碗湯其實已經少少飽應該要放到最尾先飲下午茶抵食又多選擇加購小食好優惠有青瓜/雲耳/皮蛋/雞腳🍚拍蒜青瓜份量好多個汁甜甜酸酸好好食🍚梅子脆燒鴨米線皮脆肉嫩仲要係燒鴨嘅左脾微微梅子香好夾再食碗米線清一清香口而不油膩讚🍚涼拌胡麻雞絲冷麵大大碗雞絲又好滑喎個醬汁做到啱啱好入口好順滑🍚酒仙醉雞捲淡淡酒香杞子香雞捲肉嫩又爽口仲要有咁多件 難怪餐廳推介有幾枱都食每款主食小食味道獨特又唔蓋過另一款菜平民價錢大高級餐廳質素每款菜食到‘’正呀正呀”咁叫真係美食😍

鹵家係元朗小店，由五星級酒店老師傅主理，堅持每日新鮮制作燒味同無味精住家老火湯，價錢經濟實惠，元朗嚟講屬於窩心美味之選☺️✨二人套餐 $220 👍🏻👍🏻👍🏻👍🏻蜜汁叉燒王叉燒肥瘦適中，邊位燒得有少少燶，食落脆口，蜜汁好香甜，唔會死鹹，配搭叉燒啱啱好，不愧為餐廳嘅招牌菜😋頭抽豉油雞豉油雞好好食，雞肉嫩滑，肥瘦適中，每一啖都feel到豉油同醬汁入晒落啲雞肉度以上套餐都跟絲苗白飯、菜心同住家老火湯 (+$8)老火湯無味精之餘又好足料，有好多湯渣，好清甜🤤海蜇醉鴨 (+$18)賣相好吸引，醉鴨肉好鮮嫩，海蜇好彈牙，每一啖都食到好濃嘅酒香味🤩👍🏻👍🏻👍🏻👍🏻👍🏻（最推薦）- 👎🏻（可以唔使試）

講到我最喜歡既叉燒 一定要數元朗小店-鹵家舖面細細但富有人情味 係我元朗飯堂之一由前酒店大廚經營 用心出品自家制燒味 價錢非常親民-食神叉燒飯：皇牌選擇！個人鐘意瘦叉 所以每次都會特別request 佢絕對唔會難捨捨 口感依家鬆軟而且入味而且冇咁滯 但當然大家可以跟返自己喜好 朋友平時叫半肥瘦都一樣咁靚仔-梅子脆皮鴨併叉燒 配例湯：燒鴨起骨啖啖肉 鴨皮烤得脆口唔肥 肉唔會好靭咬唔開 值得一提個例湯好足料👍🏽 每日選擇都唔同但日日都超足料冇味精 連腌尖既媽媽都讚 -鹵水鴨：同樣都係起左肉而且仲有髀🤗 媽媽讚鹵得非常夠味 而且口感好好 而芽菜吸左個鹵水都好好味真心推薦既小店 元朗友可以絕對一試

餐廳座位唔算多，但都坐得舒服，乾淨企理。招牌滷水鵝套餐呢個滷水鵝不愧係佢哋嘅招牌菜，味道好好，滷水汁唔會太鹹，滷水鵝唔肥亦唔瘦，食落去唔韌。頭抽豉油雞套餐佢嘅豉油雞都好好食，雞肉嫩滑，雞皮又唔肥，肥瘦適中。以上兩個套餐都跟一碗白飯同飲品/老火湯。南瓜蟲草花紅蘿蔔湯佢哋嘅湯好足料，有好多湯渣，有南瓜、大量蟲草花、粟米、紅蘿蔔、豬骨等，唔怪得啲湯冇味精都咁好飲！酒仙醉雞卷佢嘅賣相好吸引，醉雞卷酒味濃郁，雞肉鮮嫩，每一啖都食到濃濃嘅酒香味！話梅涼瓜片我好鍾意食呢個話梅涼瓜片，佢嘅涼瓜好脆口，而且冇苦味，又酸酸嘅話梅味，好開胃好特別！

早排試左呢間由五星級酒店老師傅主理既餐廳❤️主打住家老火靚湯同埋鹵水料理，我地2個人試左2份下午茶套餐😆😆先講吓鹵家每日都有既靚湯嗰日係五指毛桃湯，每日都唔同的🤣都要餐廳對自家出品既老火湯有信心，先會一入黎就見到勁大張poster寫埋今日飲咩湯，淨係呢點勁細心，唔使係咁問店員😂🫶🏻個湯好味又足料。有齊蘿蔔粟米同猴頭菇，夠晒足料🙌🏻老火湯味道=飲到媽媽的味道🤣🤣🤣🤣飲完再試埋佢地既頭抽豉油雞米線&秘汁鹵家鴨米線，雞肉口感嫩滑，又夠豉油味。湯汁味道濃郁，同米線幾夾一啖湯一啖米線，加埋豉油雞，非常滿足！😎😎😎秘汁鹵家鴨米線食落鴨肉肉質鮮嫩，秘汁鹵味味道獨特亦推薦！小食方面就分別試左 酒仙醉雞卷😍健康雲耳仔&鮑汁雞腳醉雞卷每片醉雞卷都有配一粒杞子味道主要係甜味為主 淡淡酒味又恰到好處唔會搶走雞卷本身既味道🫶🏻亦有青瓜絲可以中和酒味食落非常滋味開胃🤤健康雲耳仔細細粒既雲耳仔形狀岩岩好兜起酸酸地既汁豐富既爽脆酸味，食落非常驚喜💯鮑汁雞腳鮮味鮑汁加埋雞腳既膠質口感食落唔錯😙😙佢地既下午茶真係好抵食🤯🤯🤯$38一個米線 加埋老火湯$12本身個餐加$18起就有小食😳之前已經同過屋企人食過，真係好抵食😂😂😂

米粉🍜用咗麻油同粟米點綴，重點係浸咗好耐都唔會淋同斷，口感一流👍🏻 五指毛桃湯🍲 裡面有蘿蔔🥕、粟米🌽同猴頭菇🍄，真材實料，飲落啖啖都係精華，滋潤又暖胃，冬天飲就最啱啦醉雞片🐔每片雞肉都有一粒杞子，酒香撲鼻，鹹香適中，配埋清爽嘅日本小青瓜絲🥒，中和返啲酒味，真係清新又開胃！燒鵝片🦢 皮脆肉嫩，重點係唔會好多肥膏，啖啖肉，淋滑嘅口感加上濃郁嘅肉香，真係令人食到停唔到口呀！仲有爽脆嘅芽菜做配菜，簡直係完美配搭！💯 豬頸肉🐷充滿蒜泥白肉嘅香味，甜甜哋咁，非常送飯🍚，真係一流！😋鹵家地址：元朗教育路68號兆豐樓地下10及14號舖原來呢間餐廳嘅師傅曾經喺米芝連燒味店鏞記工作過！😱😱😱 難怪啲燒味咁出色，所有燒味都係自家燒制🔥，保留咗傳統嘅風味之餘，仲加入咗師傅嘅獨門秘方！😎 真係不得了！如果你哋都係燒味愛好者，就千祈唔好錯過呢間~#thelufamily2016 #鹵家 #元朗

「鹵家」元朗超人氣嘅燒味，主廚之前仲喺五星級酒店工作過，品質絕對有保證👍🏻當日我哋叫咗一個二人餐，有齊兩款小菜，時菜一碟，仲有小食同嘢飲，非常豐富😆住家老火靚湯，熱辣辣，味道清甜，一啲味精嘅味道都冇🤪新鮮時菜，翠綠而且新鮮，煮得啱啱好唔會太硬，口感爽脆原汁原味🥰酒仙醉雞卷，雞肉嫩滑，再加上酒香味，雞卷厚度恰到好處，咬落口有層次感😍蜜汁叉燒王，表面佈滿蜜汁醬汁，融合咗叉燒嘅肉香同埋蜜汁嘅香甜，而叉燒肉外脆內嫩，肥瘦適中😋頭抽豉油雞，一上枱見到成碟豉油雞嘅顏色都好靚，每一啖豉油同醬汁都入晒味，雞肉鮮嫩，口感肥美☺️咁豐富嘅燒味，再配上白飯米粉，絕對係最佳嘅配搭😝

終於明白阿媽點解咁喜歡去食呢間鹵家，因為真係抵食又大件 👍🏻。一坐低，她二話不說就講食二人餐，必食蜜汁叉燒王，叉燒表面帶著微微的蜜香和焦脆，內裡軟嫩多汁，甜味同鹹味平衡得恰到好處 🐷。秘製鹵家鴨同樣出色，鴨肉鮮嫩入味，味道層次豐富 🦆。鹵家豆腐都值得一讚，豆腐滑嫩，完全吸收咗鹵水嘅精華。二人餐, 仲有一大碟油菜, 健康美味。至於住家老火湯，是我媽至愛的五指毛桃猴頭菇、赤小豆扁豆同豬骨煮成，湯底濃郁清甜，營養豐富，喝一口感覺特別滋補暖胃 🍲。呢間餐廳原來係由五星級酒店大廚主理，怪不得味道獨一無二，水準極高。絕對值得一試，強烈推薦！😋✨

呢家全元朗最好食既燒味鹵家，真係唔可以錯過！但哋係家庭式經營，大廚之前喺星級酒店做過，真係有實力。樓面由太太主理，親力親為，做出嚟慨菜式每日新鲜，鹵味同燒味都好受歡迎，價錢亦相宜，值得一試。蜜汁叉燒米線嚟到呢度，必試自家製叉燒，配米線仲有老火湯。叉燒切得厚厚一片，外面微微焦香，口感柔軟唔乾，蜜汁入味，調味唔會過甜，真係好正！京燒金錢肚呢個金錢肚用咗好多京蔥一齊炒有少少麻辣住家老火湯每日新鲜熬製，今日係老黃瓜赤小豆煲豬骨，去濕氣又健脾胃，湯汁清甜，材料豐富，飲完真係舒服😌

二人套餐幾抵，有以下食物✨兩碗絲苗白飯/麵✨兩款皇牌小菜✨時菜一碟✨小食（任選一款）✨熱飲兩杯-可加錢轉湯同凍飲兩個人食到飽飽.今次就叫以下食物：主食✨蜜汁叉燒王外焦內嫩，醬汁甜中帶鹹，肉質鮮美✨金牌燒鵝皇皮脆肉嫩，油脂恰到好處，濃郁的香氣讓人垂涎欲滴.✨小食-鹵水大腸頭口感滑嫩，入味十足仲有好多豆腐.✨五指毛祧猴頭菇薏米豬滑湯好足料👍🏼唔係一般湯水暖心又滋補.套餐好適合分享，仲有一個菜，好平均

上網睇到大家分享佢哋嘅蜜汁叉燒賣相勁靚仔但係尋日去到叫咗個蜜汁叉燒完全圖文不符！？好想知到底係只係我唔好彩遇着今日質素唔得定係而家個質素已經係正常狀態…?叉燒勁薄切，而且食落有啲嚡。完全冇蜜汁味。。仲要一啲燶邊都冇真係求其一間燒味舖都好食過佢原本好期待食到好好味嘅叉燒然後我失望咗一晚(晚餐要價$78 ) 另外仲叫咗個滷水鴨一人套餐質素正常，滷水大腸配埋豆腐幾豐富如果唔係帶住對叉燒嘅期待而來我會覺得係一個正常可以接受嘅晚餐選擇

【鹵家】是元朗一家隱藏版的五星級美味小店，雖然店面不大，以高品質的料理吸引了無數街坊熟客😍推介招牌菜「金牌燒鵝皇」絕對是必試之選，外皮酥脆，肉質鮮嫩多汁，每一口都充滿濃郁的鵝香🤩蒜汁豬頸肉同樣出色，豬頸肉彈牙爽口，搭配蒜汁的香氣，味道層次豐富，讓人停不下筷子🤤涼菜方面，話梅涼瓜片清爽開胃，涼瓜的微苦與話梅的酸甜完美平衡，開胃清爽😋酒仙醉雞卷則是一道充滿驚喜的料理，雞肉嫩滑，酒香濃郁，口感細膩😜住家老火湯每日新鮮熬製，南瓜蟲草花紅蘿蔔湯清甜滋潤，喝得出家的溫暖與用心!!

[✨元朗鹵家·CP值滿分風味小店🍚]#鹵家 #元朗 ✨二人套餐 $216🔸蜜汁叉燒皇半肥瘦叉燒，油膩感唔重，微微濃邊燒得很好，肉質亦好爽腍，唔錯🤤🔸頭抽豉油雞雞肉嫩滑啖啖肉，好入味，食完都唔會有咩肥膩感。🔸京蔥金錢肚金錢肚爽口入味，配搭青瓜絲，令口感有唔同嘅層次🤩🔸跟餐 米線及飯米線大碗爽滑，唔錯🔸住家老火湯 +$8材料豐富，煲得入味，岩晒我哋啲少湯水嘅家庭😬🔸凍檸茶 +$3大杯，正常發揮————————♡♡♡♡♡♡————————✨總結餐廳主打由前五星級酒店老師傳主理，價錢合理份量多，味道亦都唔錯，鍾意食燒味嘅朋友，呢度係一個幾好嘅選擇🥳📍鹵家 (元朗)🏠元朗教育路68號兆豐樓地下10及14號舖#jmhkfoodie #hkfoodie #hkeat #hkeats #hkfood #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #元朗餐廳 #鹵家 #thelufamily20

又嚟到之前推薦過的其中一間飯堂鹵家食燒味 食咗咁多次今晚豐富啲試吓2人套餐😆二人套餐 $216包括了2個自選小菜 1個自選小食 菜 2個飯和熱飲今晚點了蜜汁叉燒王、秘汁鹵家鴨和鹵水豆腐 飲老火湯要加$8 但私心必點老火湯 主打住家沒有味精👍🏻叉燒水準一如既往的好 燒得剛好帶點濃邊 肉質爽腍但唔肥 調味很好帶點蜜糖甜味 好送飯滷水鴨有驚喜 份量很多 面頭鋪滿了鴨肉片 啖啖肉滷水味又香 下面有鴨件 配合哂中意食肉或噒骨的朋友幾個餸同小食底部都有大豆芽 吸收埋豉油汁一齊食幾好味 而且可以中和食肉的油膩感晚市亦有1人餐或者加餸斬料都有 環境明亮整潔 地點係教育路中段都好方便