Video
Read full review
2012-05-05
662 views
餐廳有現場樂隊演奏, 面向無敵維港夜景, 環境氣氛一流, 樓底超高, 座位闊落, 同其他檯隔得好遠, 唔會聽到隔離檯傾偈, 客人質素好高, 好斯文, 唔會搶食, 好有秩序咁排隊攞野食, Buffet 檯分佈得好好, 唔會推埋一齊, 攞野食攞得好舒服, 最啱情侶拍拖或者幾個女仔邊食邊傾偈.食物整體水準好高, 款式多, 大部份都係頂級貨, 樣樣都好吸引, 只係欠缺左日式食品, 其他都一應俱全. 冷盤選擇勁多, 大量唔同種類既沙律, 好新鮮, 款款都咁好食, 我好鍾意食Pate, 好少自助餐有 Pate, 配Parma Ham既蜜瓜好甜, 大蝦芒果cocktail既芒果超甜, 總之所有頭盤都好有水準. 龍蝦好大隻, 蝦頭勁多膏, 好甘香, 但係龍蝦肉就唔算鮮甜. D蜆雖然細細隻, 但係好鮮甜, 好厚肉, 花蟹好大隻, 肉質鮮甜, 仲有好多膏, 又有即煮青口, 海鮮質素勁高.通常自助餐D熱盤都係一般, 但係呢度既熱盤都係超晒班. 超驚喜大大片厚厚的法國鵝肝任食, 配煮過既青蘋果食一流. Rib燒得好靚, 一D都唔乾. Buffet好少有炆牛面頰, 好腍, 好香. 咖喱係側邊行過都聞到好香, 食
食物整體水準好高, 款式多, 大部份都係頂級貨, 樣樣都好吸引, 只係欠缺左日式食品, 其他都一應俱全.
冷盤選擇勁多, 大量唔同種類既沙律, 好新鮮, 款款都咁好食, 我好鍾意食Pate, 好少自助餐有 Pate, 配Parma Ham既蜜瓜好甜, 大蝦芒果cocktail既芒果超甜, 總之所有頭盤都好有水準.
龍蝦好大隻, 蝦頭勁多膏, 好甘香, 但係龍蝦肉就唔算鮮甜. D蜆雖然細細隻, 但係好鮮甜, 好厚肉, 花蟹好大隻, 肉質鮮甜, 仲有好多膏, 又有即煮青口, 海鮮質素勁高.
通常自助餐D熱盤都係一般, 但係呢度既熱盤都係超晒班. 超驚喜大大片厚厚的法國鵝肝任食, 配煮過既青蘋果食一流. Rib燒得好靚, 一D都唔乾. Buffet好少有炆牛面頰, 好腍, 好香. 咖喱係側邊行過都聞到好香, 食埋更加不得了, 每種咖喱既味道都好突出, 唔同材料配唔同種類既咖喱, 配搭得宜. 但燒魚就乾左D.
甜品勁多, 賣相好靚, 樣樣都好好食, 食到唔停得口. 唔記得係六款定七款雪糕, 全部home-made, 見到個樣已經知好掂, 因為肚皮位置有限, 只係試左我最愛既椰子雪芭, 椰子味香濃到不得了, 好想再encore, 好食過澳門洪馨椰子雪糕. 食過呢度既home-made雪糕之後, 一般自助餐既雪糕已經滿足唔倒我, 好surprise竟然仲有好多款雪糕蛋糕, 淨係食雪糕都已經值回票價. Apple Crumble食果陣雖然凍左, 但係個crumble面都仲好脆, 如果新鮮焗完出黎即刻食肯定超好味.
侍應收碟速度奇快, D杯碟好靚, D廚師好專業, cooking station廚師即席烹調既菜式唔會一次過煮好多, 保持新鮮, 讚!
我最初以為咁既級數同格局一定好貴, 估計起碼過六百, 但出乎意料之外只係五百幾, 時間仲好長, 可以慢慢食, 回完氣再食. 以咁超班既質素, 我覺得呢個價錢唔止好合理, 仲好底添.
Post
