Video
Read full review
2021-09-17
1186 views
一貫好味😋牛角成日大排長龍一定有原因嘅~就係因為太好食啦！今次午餐食咗$308/Level2 (早割)職員會預先安排頭盤 有齊雞、豬、牛，但我覺得雞肉唔好食所以我每次都會叫佢唔要雞肉。燒肉一貫嘅好食，雖然係level 2，但係牛肉質素都唔差，牛肩用牛味香，食落唔會太難咬。印象之前係冇肥牛呢個選項，近來新增咗。點解我會咁肯定呢，因為肥牛太多油份好搶火，搞到啲火燒到好高嚇死我，之前都冇呢個經驗，所以肥牛應該係新增㗎🙈由於肥牛好多油份所以燒出嚟真係好好食！雞爽肉，雖然唔知係邊個部份但真係好香口，好爽，食落好好味口感都好特別！牛舌燒到少少脆少少焦，加少少醬汁好好食。嚟到呢度梗係唔少得牛角飯，由於太鍾意食紫菜，我只係落一啖飯加一大碗紫菜，配上香濃燒汁、香蔥，成日都想嚟食~去到雪糕方面，有伯爵茶味、牛奶味、芝士蛋糕味，個人覺得得伯爵茶好味🙈🙈其他一般，試一啖就可以。印象中尖沙咀分店有更加多款式嘅雪糕，亦都有無糖雪糕~大家可以試吓
牛角成日大排長龍一定有原因嘅~就係因為太好食啦！今次午餐食咗$308/Level2 (早割)
職員會預先安排頭盤 有齊雞、豬、牛，但我覺得雞肉唔好食所以我每次都會叫佢唔要雞肉。
燒肉一貫嘅好食，雖然係level 2，但係牛肉質素都唔差，牛肩用牛味香，食落唔會太難咬。
印象之前係冇肥牛呢個選項，近來新增咗。點解我會咁肯定呢，因為肥牛太多油份好搶火，搞到啲火燒到好高嚇死我，之前都冇呢個經驗，所以肥牛應該係新增㗎🙈由於肥牛好多油份所以燒出嚟真係好好食！
雞爽肉，雖然唔知係邊個部份但真係好香口，好爽，食落好好味口感都好特別！牛舌燒到少少脆少少焦，加少少醬汁好好食。嚟到呢度梗係唔少得牛角飯，由於太鍾意食紫菜，我只係落一啖飯加一大碗紫菜，配上香濃燒汁、香蔥，成日都想嚟食~
去到雪糕方面，有伯爵茶味、牛奶味、芝士蛋糕味，個人覺得得伯爵茶好味🙈🙈其他一般，試一啖就可以。印象中尖沙咀分店有更加多款式嘅雪糕，亦都有無糖雪糕~大家可以試吓
Post
