花園餐廳 (淘大商場3期) (Closed)

花園餐廳作為香港老字號餐廳，食物品質保持一貫水準，十年如一日，非常難得。今日叫咗佢嘅午市套餐；鐵板西冷牛扒，同埋鐵板肉眼扒，我個人比較鍾意肉眼牛扒三成熟，鍾意肉眼比較多汁肉淋，而且難得地食唔到梳打粉嘅味道，值得一讚。餐廳客人10個有九個都係食鐵板扒餐，看着服務員拿着蒜蓉汁黑椒汁邊行邊問，濃汁灑上鐵板吱吱咋響，煙霧彌漫，很有一番復古扒房風光，更是懷念。 鋸扒餐始終都係要有塊鐵板先有風味，佢午市套餐入邊其實都有碟上，只不過碟上硬係爭緊啲嘢，我諗你哋都明啦，有陣時人做嘢就係要一種儀式感，黑椒汁淋落鐵板你舉起大餐紙擋住醬汁反彈那畫面就是港人回憶。