小南國 (Closed)

工作關係要待在新城市廣場直至晚上10點，1條友周圍走，唯有撞入小南國獨自晚餐。幾年前去過北京道1號分店，食物質素唔錯，環境靚，價錢亦算親民。今次再來，覺得保持到食物質素、侍應態度好nice，即使見我1條友「芽」住雙人枱都好好招呼。先來一道冷盤醒胃，喜歡木耳爽口，醬汁少少咸咸、略帶醋香醋酸，配埋健康養生食物－秋葵，正！慎防自己唔飽，1人單挑紅油抄手加小籠包。紅油抄手可能在放涼後先食，口感一般，醬料亦帶不出餡料原味。小籠包，當然比唔上頂級中菜、皮薄餡靚。雖然皮唔夠薄，但咬開包頂驚見包裡肉汁滿滿，呢個價錢有呢個質素，實在不錯。