Video
Read full review
2022-10-14
35 views
今日過咗去灣仔做嘢，一段時間無過嚟好多舖頭都已經改頭換面，其中就有一間好sharp嘅新開樓上火鍋店 — 起鍋，天氣岩岩轉涼正好可以一試！一入舖頭就感受到老闆嘅不惜工本，裝修行復古懷舊風，由壁畫到裝飾、鍋具、萬壽無疆碗碟等，全部都用心揀過，古色古香、氣派非凡，好多打卡位！絕世混醬（$40/人）仲有獨家秘製混醬，除咗傳統醬汁同配料，仲有多款泰式配料，例如檸檬葉、金不換、南薑等，店員建議板上面左上角嘅醬料可以配海鮮，左下角嘅就最啱配靚牛肉，右手邊就適合配餃子、麵食。香茅清酒煮蜆（$238）湯底全部都每日新鮮熬製，標榜無添加味精，一上枱滾咗，店員會先幫客人將蜆撈出，避免煮到過熟，然後就提我哋飲咗頭啖湯先，想落料再加湯。香茅味香濃又鮮甜，口味獨特！牛肉就係本地新鮮屠宰騸牯牛，我哋人少少就叫咗兩款，吊龍（$168）係背脊肉，有人會叫肉眼邊，切得透薄，肉味香濃多汁又唔會韌。池板（$168）就係前腿肌肉，師傅特別以蝴蝶切處理，肉片較厚，口感較爽韌，淡淡油脂感！手打墨魚丸（$98）每粒都非常雪白，彈牙鮮甜！韭菜豬肉餃（$68）自家製餃子皮薄餡靚，多汁又香，個人超鐘意，仲有多款泰式風味餃子！金錢肚（$62
一入舖頭就感受到老闆嘅不惜工本，裝修行復古懷舊風，由壁畫到裝飾、鍋具、萬壽無疆碗碟等，全部都用心揀過，古色古香、氣派非凡，好多打卡位！
絕世混醬（$40/人）仲有獨家秘製混醬，除咗傳統醬汁同配料，仲有多款泰式配料，例如檸檬葉、金不換、南薑等，店員建議板上面左上角嘅醬料可以配海鮮，左下角嘅就最啱配靚牛肉，右手邊就適合配餃子、麵食。
香茅清酒煮蜆（$238）湯底全部都每日新鮮熬製，標榜無添加味精，一上枱滾咗，店員會先幫客人將蜆撈出，避免煮到過熟，然後就提我哋飲咗頭啖湯先，想落料再加湯。香茅味香濃又鮮甜，口味獨特！
香茅清酒煮蜆
$238
4 views
0 likes
0 comments
牛肉就係本地新鮮屠宰騸牯牛，我哋人少少就叫咗兩款，吊龍（$168）係背脊肉，有人會叫肉眼邊，切得透薄，肉味香濃多汁又唔會韌。池板（$168）就係前腿肌肉，師傅特別以蝴蝶切處理，肉片較厚，口感較爽韌，淡淡油脂感！
池板
$168
6 views
0 likes
0 comments
手打墨魚丸（$98）每粒都非常雪白，彈牙鮮甜！
手打墨魚丸
$98
2 views
0 likes
0 comments
韭菜豬肉餃（$68）自家製餃子皮薄餡靚，多汁又香，個人超鐘意，仲有多款泰式風味餃子！
韭菜豬肉餃
$68
0 views
0 likes
0 comments
金錢肚（$62）已焯過基本上煠一煠就食得，如果唔係會太韌，味道唔會太濃，著重食物原味。
龍蝦條（$62）龍蝦丸變奏版，腐皮包住彈牙蝦肉餡，咬落有腐皮嘅油香！
本地時令菜拼盤2人份（$138）餐廳提供本地種植嘅有機菜，今日就有皇帝菜、生菜、菜心同油墨菜，新鮮爽口。
整體來講，呢度氣氛超好，超熱鬧，好適合聚會，食物品質又有保證，等解禁成班人一齊食一齊飲聚下最開心！
Post
