一起燒火鍋烤肉店 (Closed)

平時就好少去到卓爾商場呢邊，主要喺屯門市中心活動多。如果唔係朋友介紹過呢度有間燒烤店幾抵食，都未必行過來，其實喺新墟過來都好快好方便。「一起燒」位於商場二樓，位置當眼，相當開揚。店裡面剛裝修左幾個月，所以都好乾淨企理舒服大部分都係卡位，啱哂二至四人，平日午都有d飯麵食，我地今次來食晚飯，兩個人都點左好幾款食物，總括來說，感覺食物水準合格以上，價錢又平，屬回頭之選。介紹下我地食左乜，肉類我地點左五款，幾款都好好食！而比較推介係牛小排、西班牙黑毛豬！牛小排肉質夠腍，細細塊可以一口食。又唔會有筋或者渣，70蚊一份有咁嘅質素真係相當唔錯西班牙黑毛豬薄身大片，脂肪均勻，烤起來有陣豬嘅甘香，但又唔會覺得好肥膩。其餘嘅包括牛肉條、薄切黑豚肉、一起燒牛肉質素都唔差，一定好過啲平價韓燒之流。鹽磨八爪魚、黑松露帶子肉雖然份唔會太多，但兩個人都非常足夠。八爪魚切成細粒，烤起上來幾入味，如果鐘意食辣嘅朋友自己加入少少辣粉味道更加正至於帶子肉有三粒，面頭有好多黑松露，如果鐘意松露嘅人一定十分喜歡，味道濃厚，帶子唔會太細粒，呢個價錢都唔知邊度搵。食韓燒唔少得要包菜食，餐廳都提供埋生菜，等客人可以包肉食，冇咁熱氣。