一起食堂 (域多利皇后街)

Open Now

Now Closed

大半年前食過一起食堂嘅觀塘分店，佢嘅冷烏冬深得我心，今次試埋中環分店認為同樣大件夾抵食，難怪午餐時間多人到插針都唔入，店員都忙到踢曬腳。𖦹 蟹黃冷烏龍麵 $89熱到就黎中暑就一定要食冷！麵！ 面頭係一層厚厚嘅蟹黃蟹肉，夠撈晒成個麵有餘，仲有一碟醋可以撈埋一齊食，有啲似食緊大閘蟹呢！蟹黃微鹹，味道算濃郁，而且鮮味十足，香噴噴，配上爽口彈牙、滑到直達喉嚨（好擔心梗親）嘅烏冬絕對係開胃首選。𖦹 口水雞冷烏龍麵 $79呢個同上面嘅烏冬一樣咁消暑，不過用上刺激味蕾嘅口水辣汁配上啖啖肉嘅雞件，極為惹味。𖦹 炸花枝丸 $32一碟有四粒，完全唔油膩之餘有嚼勁，食到粒粒花枝。𖦹 麻辣香鹵豬耳朵 $48豬耳爽口，辣汁夠麻後勁十足，正！𖦹 愛玉荔枝綠茶 +$12𖦹 愛玉鳳梨綠茶 +$12好似荔枝/菠蘿玉露嘅味，不過係少甜＋多愛玉嘅version，很refreshing。