Video
Read full review
2019-10-28
32 views
每逢有特別嘅慶祝節日都特別鍾意嚟到呢一間飛機主題餐廳慶祝 何謂飛機主題？餐廳入邊所有嘅裝飾都係以飛機內部作為參考藍圖每一樣裝飾都好細緻同埋實際嘅機艙一模一樣因為有預先book位嘅關係，我就預約左坐頭等艙嘅座位用餐 所有餐桌餐椅餐具嘅擺設都係依照着飛機餐咁樣放嘅 好有特色嘅餐廳我就嗌左一份 First Class Dinner Set ($678)首先一開始嘅時候就上咗兩杯Welcome Drink 可以選擇白酒紅酒或者其他冇酒精嘅飲品 而我就選擇咗紅酒同埋白酒 為呢一個晚餐開始咗完美嘅序幕✨飛魚子鮑魚沙律前菜就率先上咗一份飛魚子鮑魚沙律 鮑魚係非常新鮮嘅上面灑上咗飛魚子，更添新鮮嘅感覺，食落非常醒胃✨香煎鵝肝多士配無花果鵝肝夠晒肥美，香煎令到鵝肝入面嘅油脂都爆曬出嚟 下面塊多士吸收晒鵝肝入邊嘅精華配合埋無花果我嘅香味配合得天衣無縫✨花膠蟹肉龍蝦湯花膠蟹肉龍蝦湯一飲就知係真材實料，龍蝦湯嘅味道好濃郁，而入面嘅蟹肉同花膠都係非常足料所以成個湯都好有味 鮮味十足✨燒美國牛小排配波士頓龍蝦終於嚟到我最期待嘅主菜燒美國牛小排同埋波士頓龍蝦 牛小排我點左五成熟 燒得非常香嫩多汁 食落口仲有一針特別
每逢有特別嘅慶祝節日都特別鍾意嚟到呢一間飛機主題餐廳慶祝 何謂飛機主題？餐廳入邊所有嘅裝飾都係以飛機內部作為參考藍圖每一樣裝飾都好細緻同埋實際嘅機艙一模一樣
因為有預先book位嘅關係，我就預約左坐頭等艙嘅座位用餐 所有餐桌餐椅餐具嘅擺設都係依照着飛機餐咁樣放嘅 好有特色嘅餐廳
我就嗌左一份 First Class Dinner Set ($678)
首先一開始嘅時候就上咗兩杯Welcome Drink 可以選擇白酒紅酒或者其他冇酒精嘅飲品 而我就選擇咗紅酒同埋白酒 為呢一個晚餐開始咗完美嘅序幕
✨飛魚子鮑魚沙律
前菜就率先上咗一份飛魚子鮑魚沙律 鮑魚係非常新鮮嘅上面灑上咗飛魚子，更添新鮮嘅感覺，食落非常醒胃
✨香煎鵝肝多士配無花果
鵝肝夠晒肥美，香煎令到鵝肝入面嘅油脂都爆曬出嚟 下面塊多士吸收晒鵝肝入邊嘅精華配合埋無花果我嘅香味配合得天衣無縫
✨花膠蟹肉龍蝦湯
花膠蟹肉龍蝦湯一飲就知係真材實料，龍蝦湯嘅味道好濃郁，而入面嘅蟹肉同花膠都係非常足料所以成個湯都好有味 鮮味十足
✨燒美國牛小排配波士頓龍蝦
終於嚟到我最期待嘅主菜燒美國牛小排同埋波士頓龍蝦 牛小排我點左五成熟 燒得非常香嫩多汁 食落口仲有一針特別嘅炭燒香，每一口都係一啖幸福 而美國波士頓龍蝦亦到不容忽視，龍蝦嘅size大大隻，食落去蝦肉非常彈牙 ，品嚐到蒜蓉嘅香味，龍蝦頭仲有唔少膏，非常惹味！
✨香煎北海道帶子配黑松露意大利飯
呢一份黑松露意大利飯簡直係驚喜之作原本以為平平無奇，但係一食落去發覺係極度creamy同埋好重黑松露味道 大家都知道忌廉同黑松露同埋芝士混合埋一齊係幾咁邪惡同埋幾咁好食，呢一份意大利飯嘅芡汁正正就係用上呢三種邪惡食材所以真係非常好食 北海道帶子亦都好大隻同煎得好有牛油嘅香味 令人讚不絕口
✨黑朱古力心太軟& 法式焦糖燉蛋
最尾甜品有兩款，分別就係黑朱古力心太軟同埋法式焦糖燉蛋 。呢一份心太軟嘅特別之處就係用上黑朱古力來製作，令到甜味唔會太甜而係適中嘅 中間嘅留心程度亦都做得恰到好處，拿捏得好好，可以稱得上為滿意之作！
而法式焦糖燉蛋簡直係將外脆內嫩呢樣嘢發揮得淋漓盡致，外層嘅法式焦糖配合上內層嫩滑嘅燉蛋 真係諗起都流晒口水
總括而言我覺得呢一餐真係非常滿足嘅一餐飯，與其話係一餐飯，我覺得係一個非常滿足嘅一個旅程
Post
