東門町 (Closed)

麻辣嘅鈉含量好高，鹽份多數好重，好鹹好重口味，每次食會都要飲好多水先排解倒～但麻辣呢種味道，無論喺生理同心理想都會形成一種＂癮＂，生理上，諗起麻辣香味，會好似人地諗起＂酸＂野會有種口水分泌～心理上，我會覺得食完辣完刺激完，會有減壓暢快嘅感覺～麻辣嘅粉絲才會懂我吧！一直都會不停試不同的麻辣米缐，今次黎到呢間叫＂東門町＂嘅店～本身心大心細食酸辣粉定麻辣好～佢有好多餸揀，不過好多時我食麻辣米缐，都會有種習慣，就係唔加餸，將所有專注喺湯底同配菜～専心食出佢原本既內涵～今次叫左麻辣最大辣～（店內立食）辣味好夠，麻味亦好香，但配菜是非常少，肉碎少，芽菜只得幾根～不知為何米缐有點碎有點斷，而且還間中夾雜住幾條未＂林＂嘅米線～總結：麻辣湯味不錯，可惜配菜份量，米缐的質量需要改善～最後，我亦大汗曡細汗離去～很痛快～爽！