東海滬 (Closed)

友人平時成日推介呢間上海菜餐廳，不過由於地方唔太方便我，所以一直都無去試，今日難得有假放，就決定去食一食喇~餐廳位於美孚廣場，商場人流比較少，因為都無咩野行，不過餐廳反而有唔少客人，雖然未到滿座，但係都有八成坐滿。餐廳嘅風格都幾新派，用白色嘅雲石枱，簡單又有格調，另外有一排嘅梳發位，我地就安排坐嗰度，都幾舒適嫁首先由前菜食起，第一道就係我鍾意食嘅揚洲肴肉，呢到嘅擺盤都幾別緻，特登將肴肉切成菱形狀，再擺成類似花嘅狀態，賞心悦目!同其他餐廳嘅肴肉有啲唔同，普遍頂部嘅啫喱狀都係微黃透明嘅，而呢到就係咖啡色嘅，而下面就係切碎咗嘅豬蹄肉，如果豬蹄肉唔好咁碎嘅話，相信口感會更加好。而食肴肉又點可以唔配上大量嘅鎮江醋啊，醋酸味同凍凍嘅肴肉，令人大開胃口啊~~第二道冷盤亦都係我嘅摯愛，棒棒雞絲粉皮，望到呢個菜色真係流曬口水啊，底部係晶瑩亮麗嘅粉皮，中間有一層青瓜絲，之後係雞絲，最係大量嘅花生醬!!!! 食前用筷子將食材攪勻，令每一條粉皮都沾滿花生醬，帶點爽口嘅粉皮同青瓜絲令到口感更加豐富，同時青瓜絲都可以增加清新嘅味道，令人感覺無咁內疚，哈哈第三道係唔係度度有嘅金蓮火方，食材係分開上嘅，蒸籠就有三件貝